Татарстан инноваторларын фәнни-технологик проектларның республика конкурсына чакыралар
Татарстанның инновацион проектлары ел саен үткәрелә торган “Ел инновациясе” фәнни-технологик проектлар һәм компанияләр республика конкурсында катнаша ала.
Конкурс Татарстан Республикасы Хөкүмәте, “Татарстан Республикасы Инвестиция-венчур фонды” КБҖ ярдәмендә Татарстан Республикасы Фәннәр Академиясе белән берлектә уза һәм төбәктә гамәлгә ашырыла торган төрле стадияләрдә илнең фәнни-технологик үсешенең актуаль юнәлешләренә туры килә торган инновацион проектларны ачыклауга һәм аларга ярдәм итүгә юнәлдерелгән.
Конкурс биш номинация буенча уздырыла:
1) “Перспектива”, анда Татарстанда урнашкан мәктәп укучыларының (10 һәм 11 сыйныфлар) һәм гомуми белем бирү оешмаларының, шулай ук урта махсус уку йортларының беренче һәм икенче курс студентларының перспективалы-технологик проектлары катнашачак;
2) “Студентлар стартабы”, анда югары уку йортлары студентлары тарафыннан төзелгән югары коммерцияләштерү потенциалына ия проектлар стартаплары катнашачак;
3) “Технологик компания” - расланган сатулары булган һәм технологиянең 5 һәм аннан югарырак әзерлек дәрәҗәсенә туры килә торган инновацион фәнни-технологик чишелешләр бәяләнәчәк базарда уңышлы гамәлгә ашырыла торган инновацион чишелешләр;
4) “Интеллектуаль милек” - коммерцияләштерелгән һәм гамәлгә ашырылган патентлар, аларда өч елдан да артмаган вакыт элек теркәлгән патентлар бәяләнәчәк;
5) ”Корпоратив инновация” - бизнес өчен технологик чишелешләр эшләү белән системалы шөгыльләнүче эре компанияләр өчен махсус номинация.
Конкурста биш юнәлеш буенча проектлар катнаша ала:
- Яңа химия, нефть химиясе һәм яңа материаллар
- Медицина һәм кеше сәламәтлеге
- Биотехнологияләр һәм агросәнәгать комплексы
- Машина төзелеше, приборлар төзү һәм энергетика
- Мәгълүмат һәм телекоммуникация технологияләре
20 җиңүче, номинацияләренә карап, ярты миллион сумга кадәр грантка ия булачак. Иң яхшы проектлар үзләрен алдынгы профильле мәйданчыкларда тәкъдим итү һәм акчалата бүләкләр алу мөмкинлеге алачак.
Тиешле номинацияләр буенча гаризаны конкурс сайты битендә бирергә мөмкин.
Чара, катнашу шартлары һәм гаризалар бирү тәртибе турында тулырак мәгълүмат рәсми сайтта урнаштырылган: https://bestinnovation.ivfrt.ru.
Барлык сораулар буенча телефон аша мөрәҗәгать итәргә мөмкин: (843) 570-39-27.
Бизнеска ярдәм итү чаралары турында бердәм контакт үзәге номеры буенча белергә мөмкин: 8 (843) 524 - 90-90, шулай ук ТР Икътисад министрлыгы сайтында.