Татарстанда бизнеска ярдәм итү инструментлары турында фикер алыштылар
Кичә Татарстан Республикасы Икътисад министрлыгында Татарстан Республикасы Премьер-министры урынбасары - Татарстан Республикасы икътисад министры Мидхәт Шаһиәхмәтов рәислегендә республиканың бизнес-берләшмәләре һәм иҗтимагый оешмалары вәкилләре катнашында киңәшмә узды. Чарада Татарстан Республикасы Кече һәм урта бизнес предприятиеләре ассоциациясе һәм Татарстан Республикасы Биектау муниципаль районы вәкилләре катнашты.
Очрашу барышында узган елда кече һәм урта бизнес үсешенә йомгак ясалды һәм 2026 елга өстенлекле бурычлар билгеләнде. Үзгәрүче салым системасы шартларында эшмәкәрләр файдалана алачак дәүләт ярдәме чаралары комплексына һәм яңа инструментларга аерым игътибар бирелде.
Киңәшмә кысаларында “Татарстан Республикасы муниципаль берәмлекләрендә иң яхшы иҗтимагый (координацион) эшкуарлар советы” VII Республика конкурсын оештыру турында фикер алыштылар. Әзерлекнең югары дәрәҗәсе, конкурсның рәсми сайты аша гаризалар бирүнең заманча цифрлы форматы, шулай ук урыннарда бизнес һәм хакимият арасындагы хезмәттәшлекнең иң яхшы тәҗрибәләрен алга җибәрүдә конкурсның әһәмиятле роле билгеләп үтелде.
Конкурсның финалы эшмәкәрләрнең иң яхшы иҗтимагый советларын бүләкләү тантанасы буларак кына түгел, ә Татарстанның кече һәм урта бизнесы өчен гамәли эшлекле мәйданчык буларак та формалаша.
Кунакларны теркәү: https://konkurs.aspredrt.ru
Очрашу нәтиҗәләре буенча эшлекле бергәлекләр вәкилләре Министрлыкның эшмәкәрләр белән конструктив диалогын югары бәяләделәр һәм Татарстанда бизнеска ярдәм итү системасын камилләштерү өчен хезмәттәшлекне алга таба үстерүгә ышаныч белдерделәр.
Татарстан бизнесына ярдәм итү чаралары турында Бердәм контакт-үзәкнең 8 (843) 524-90-90 номеры буенча белергә була.