Татарстан экспортерлары илнең төп экспорт премиясендә катнаша ала
Татарстан экспортерлары ел саен Рәсәй Федерациясе Хөкүмәте тарафыннан гамәлгә куелган “Ел экспортеры. Рәсәйдә эшләнгән” Бөтенрәсәй премиясендә катнаша ала. Гаризалар 30 мартка кадәр кабул ителәчәк.
Конкурсның төбәк этабы Татарстан Республикасы Икътисад министрлыгы һәм аның ведомство буйсынуындагы оешмалар, шулай ук Татарстан Республикасы Сәүдә-сәнәгать палатасы ярдәмендә “Халыкара кооперация һәм экспорт” милли проекты буенча уздырыла.
Чараны чимал булмаган энергетика товарларын, эшләрне, хезмәт күрсәтүләрне, шулай ук интеллектуаль эшчәнлек нәтиҗәләрен экспортлауда иң зур уңышларга ирешкән эре компанияләр, кече һәм урта бизнес компанияләре һәм шәхси эшмәкәрләр арасында оештыралар.
2026 елдан Бөтенрәсәй премиясе "Рәсәйдә эшләнгән” милли программасы белән интеграцияләнгән. “Рәсәйдә эшләнгән” (РЭЦ) сертификаты булу бәяләүнең өстенлекле критерие һәм катнашучының өстенлеге булачак.
Быел катнашучыларны яңартылган номинацияләр көтә: авыр сәнәгатьтән алып анимация һәм кино, мода, матурлык индустриясе һәм туризмга кадәр.
Федераль округлар дәрәҗәсендә җиңүчеләрне агымдагы елның июлендә билгеләячәкләр. Аннары, 2026 елның августында округ этабы нәтиҗәләре буенча 1 нче урынны алган компанияләр арасыннан конкурсның федераль дәрәҗәдәге җиңүчеләре һәм призерлары сайлап алыначак.
Округ һәм федераль этапларның триумфаторларын бүләкләү тантанасы сентябрьдә Мәскәүдә узачак. Вакыйга Беренче канал белән партнерлыкта узачак, бу киң колач алуны тәэмин итәчәк һәм бөтен илгә Рәсәйнең иң яхшы экспортерлары исемнәрен белергә мөмкинлек бирәчәк.
Конкурска гаризаны сылтама буенча яисә кәгазьдә адрес буенча бирергә мөмкин: Казан, Петербург ур., 28 йорт, 2 кат, 207 кабинет (9:00 дән 18:00 гә кадәр).
Шартлар белән конкурс сайтында җентекләп танышырга була.
Югары уку йортлары студентлары шулай ук экспортлаучы компанияләрнең кейсларын хәл итеп катнаша алалар. Проектлар электрон почта аша кабул ителә: tatexport@yandex.ru “Экспортер кейсы” тамгасы белән.
Исегезгә төшерәбез, “Ел экспортеры - 2025” Бөтенрәсәй премиясе нәтиҗәләре буенча конкурсның федераль этабында өч номинациядә Татарстаннан ике экспортер җиңүче булды:
1. “Ел трейдеры” (эре бизнес) һәм “Яңа география” - 1 урын: «ПродЭкс» ҖЧҖ (азык-төлек продуктларын экспортлый).
2. “Эре бизнес “категориясендә - “Иң яхшы хатын-кыз экспортер” - 3 урын: Динә Лаврикова, “Нәфис Косметикс” АҖ генераль директоры (компания көнкүреш химиясе, косметик чаралар, глицерин һәм стеарин экспортлый).
Катнашу сораулары буенча телефон аша мөрәҗәгать итәргә мөмкин: +7(987)2700691.
Бизнеска ярдәм итү чаралары турында Бердәм контакт-үзәк номеры 8 (843) 524-90-90 буенча белергә мөмкин.