Татарстан бизнесын Төркия Республикасы базарларына чыгу турында түгәрәк өстәлгә чакыралар

Татарстан эшмәкәрләрен 2026 елның 24 мартында Төркия базарларына чыгуга багышланган чарага чакыралар.

Түгәрәк өстәлдә Рәсәй экспорт үзәге (РЭЦ) вәкиле белән Төркия базары үзенчәлекләре, Төркиядә РЭЦ павильоны вәкиленнән чит ил сатып алучылары өчен продукция урнаштыру, демонстрацияләү һәм дегустацияләү мөмкинлеге турында фикер алышачаклар. Шулай ук чарада катнашучыларга РЭЦның Казан вәкиле белән экспорт эшчәнлеген финанслау мөмкинлекләре (кредитлар, банк гарантияләре, иминиятләштерүләр, халыкара түләүләр), шул исәптән Татарстан Республикасы Сәүдә-сәнәгать палатасы вәкиленнән чит илдәге сәүдә-сәнәгать палаталары һәм партнер оешмалары системалары турында да сөйләячәкләр.

Чара түбәндәге адрес буенча узачак: Казан шәһәре, Петербург ур., 28 йорт, 3 кат, “Алафузов” залы. Башлана 10:00.

Катнашу өчен сылтама буенча теркәлергә кирәк.

Түгәрәк өстәл онлайн-форматта да узачак. Тоташуга сылтама теркәлгән катнашучыларга җибәреләчәк.

Катнашу мәсьәләләре буенча экспортны яклау үзәгенә телефон аша мөрәҗәгать итәргә мөмкин +7 987 270 06 91.

Бизнеска ярдәм итү чаралары турында Бердәм контакт-үзәк номеры 8 (843) 524-90-90 буенча белергә мөмкин.