Татарстан бизнесны салым үзгәрешләренә җайлаштыруның комплекслы программасын дәвам итә

Яр Чаллыга эш сәфәре кысаларында сәнәгать паркларына дәүләт ярдәме чараларына багышланган күчмә киңәшмә узды.

Чара РФ Дәүләт Думасы депутаты Әлфия Когогина җитәкчелегендә РФ Икътисади үсеш министры урынбасары Татьяна Илюшникова һәм Татарстан Республикасы Премьер-министры урынбасары - ТР икътисад министры Мидхәт Шаһиәхмәтов катнашында узды. Делегация “КАМАЗ” ГАҖ җитештерү мәйданчыкларында булды, анда аларны компаниянең генераль директоры Сергей Когогин һәм төп бүлекчәләр җитәкчеләре каршы алды.

Визит кысаларында делегация "Мастер” КИП - республиканың беренче индустриаль паркында һәм Рәсәйнең иң эре браунфилдында булды. Кунаклар аның үсеше концепциясе һәм резидентлар эше белән таныштылар, алар арасында “Стис-Набережные Челны” ҖЧҖ һәм “Полихим Системс” ҖЧҖ бар. Делегациядә катнашучылар мәйданчыкның инфраструктурасын югары бәяләделәр, ул төрле масштабтагы сәнәгать җитештерүләрен урнаштыру өчен нәтиҗәле модель үрнәге булып тора.

Катнашучылар гамәлдәге чараларның нәтиҗәлелегенә һәм аларны җитештерү секторының агымдагы таләпләренә яраклаштыру перспективаларына аерым игътибар бирделәр. Әлфия Когогина билгеләп үткәнчә, төзелгән сәнәгать парклары инфраструктурасы меңнән артык резидент өчен уңай шартлар тудырды, алар 2025 елда гына да федераль бюджетка 160 млрд сум салым түләгән.

Шуны да билгеләп үтәргә кирәк, Татарстанның сәнәгать паркларын булдырудагы тәҗрибәсе башка төбәкләр өчен дә үрнәк, ә республика киләчәктә дә инвестицияләр җәлеп итүчәнлеген арттыру өчен федераль инструментларны актив кулланырга ниятли. Визит ахырында делегация “КАМАЗ”ның югары технологияле кабиналар каркасы заводында һәм “КАМАЗ-Автоспорт” НПда булды, анда “КАМАЗ-мастер” командасының легендар спорт автомобильләрен дә кертеп, техника модельләре белән танышты.
ТР Икътисад министрлыгы сәнәгать паркларына яңа эш урыннары булдыруда һәм инвестицияләр җәлеп итүдә төп инструмент буларак ярдәм итү эшен дәвам итәчәк.