Татарстанда һөнәрчелек эшчәнлеген дәүләт ярдәме чаралары системасына кертәләр
Шушы көннәрдә Татарстанда Татарстан Республикасы Сәүдә-сәнәгать палатасында сувенир продукциясе һәм халык һөнәрчелеге товарлары комитетының киңәйтелгән җыелышы узды.
Чарада Татарстан Республикасы Икътисад министрлыгы, ТР Сәүдә - сәнәгать палатасы, профильле ведомстволар вәкилләре, шулай ук республика һөнәрчеләре-сувенир продукциясе җитештерүчеләр, кием һәм аксессуарлар дизайнерлары катнашты.
Фикер алышуда төп тема булып Республика һөнәрчеләренең хокукый статусы, аларны кече һәм урта эшмәкәрлеккә ярдәм итүнең гамәлдәге системасына кертү тәртибе, шулай ук аларны җиңел сәнәгать продукциясен мәҗбүри маркировкалаудан азат итү торды.
Татарстан Республикасы Икътисад министрлыгы вәкилләре һөнәрчеләрнең хокукый хәле һәм аларны кече һәм урта бизнеска ярдәм итү структурасына кертү механизмнары турында сөйләделәр. Алар шулай ук узган ел ахырында кабул ителгән законның үзенчәлекләрен аңлаттылар һәм чарада катнашучыларның сорауларына җавап бирделәр. Документлар кабул итү буенча оператор функцияләре ТР Икътисад министрлыгы карамагындагы «Татарстан Республикасы эшмәкәрлекне яклау фонды» ККК КБҖкә йөкләнәчәк.
Катнашучылар шулай ук республикада халык сәнгать кәсепләре һәм һөнәрләре кергән өстенлекле тармаклар өчен гамәлгә ашырыла торган дәүләт ярдәменең финанс чаралары белән таныштылар.
Моннан тыш, катнашучыларга “Гадел билге” системасын гамәлгә кертү һәм озату буенча сораулар бирү мөмкинлеге бирелде.
Исегезгә төшерәбез, Татарстан “Гадел билге” не яклау үзәге ачылачак беренче 16 сынау регионы арасында. Ул 16 февральдә эшли башлаячак һәм эшмәкәрләргә товарларны маркировкалауның яңа кагыйдәләренә җайлашырга ярдәм итәчәк.
Проект ТР Икътисад министрлыгы һәм “Минем бизнес” үзәге ярдәмендә гамәлгә ашырылачак. Эшмәкәрләр маркировканың юридик һәм техник мәсьәләләре буенча бушлай киңәшләшә, контрафакт һәм бизнесның цифрлы трансформациясе белән көрәш турында белә алачак.
Татарстан бизнесына ярдәм итү мәсьәләләре буенча Бердәм контакт-үзәкнең 8 (843) 524-90-90 номеры буенча мөрәҗәгать итәргә була.