Татарстаннан стартап дәүләт ярдәме белән предприятие әйләнешен берничә тапкыр арттырды
Татарстан эшкуары “Нәтиҗәле һәм конкурентлы икътисад” милли проекты кысаларында Татарстан Республикасы Икътисад министрлыгы һәм ведомство буйсынуындагы үсеш институтлары ярдәме белән компаниянең әйләнеш акчаларын һәм керемнәрен берничә мәртәбәгә арттырды.
Шәхси эшмәкәр Хәертдинов Илнур йөк ташу өлкәсендә эшчәнлек алып бара. Эшмәкәр ике тапкыр Татарстан Республикасы эшмәкәрлекне яклау фондына 3 млн сумлык ташламалы микрофинанс ярдәме сорап мөрәҗәгать иткән, бу ике берәмлек махсус техника сатып алырга һәм узган ике елда предприятиенең әйләнештәге акчалары хисабына техника паркын алтыга кадәр киңәйтергә мөмкинлек биргән.
Дәүләт ярдәме нәтиҗәсендә эшмәкәрнең әйләнеш суммасы һәм кереме артты, шулай ук йөк ташу маршруты һәм сату базары киңәйде. Хәзерге вакытта эшмәкәр бөтен Идел буе буйлап йөкләр ташый.
Исегезгә төшерәбез, республикада стартапларга ярдәм итү буенча аларның төбәк финанс программаларының берсе - “Җиңел старт" микрофинанс продукты, ул еллык ташламалы ставка буенча 8% тәшкил итә, ул үз эшен башлап җибәрү һәм предприятиене тотрыклы үстерү өчен уңай шартлар тудыруга юнәлдерелгән. 24 айдан да артык булмаган эшчәнлек алып баручы яшь компанияләр төрле эшмәкәрлек максатларына 3 елга 3 млн сумга кадәр алырга мөмкин.
Ярдәм авыл хуҗалыгы, төзелеш, транспортировкалау, саклау, сәламәтлек саклау, социаль, спорт, мәдәни-ял итү тармакларында һәм башка өлкәләрдә эшчәнлек алып баручы эшкуарларга күрсәтелә.
“Татарстан Республикасы инвестиция активлыгы өчен иң яхшы шартлар тудыра һәм эшкуарлык климаты үсешендә тотрыклы динамика күрсәтә. Монда төп рольне бизнесның дәүләт ярдәме чараларының киң спектрын актив куллануы уйный, шул исәптән “Нәтиҗәле һәм конкурентлы икътисад” илкүләм проекты кысаларында, алар яңа проектларны эшләтеп җибәрергә генә түгел, ә гамәлдәге производстволарны модернизацияләргә дә мөмкинлек бирә”, - дип билгеләп үтте Татарстан Республикасы Премьер-министры урынбасары - Татарстан Республикасы икътисад министры Мидхәт Шаһиәхмәтов.
Бизнесны башлау, алып бару һәм аңа ярдәм итү мәсьәләләре буенча консультацияне Бердәм контакт-үзәк телефоны аша алырга мөмкин: 8 (843) 524-90-90.