Татарстан үзмәшгульләре Казанның сәүдә үзәгендә бушлай сәүдә урыннары алачак

Татарстанда ноябрь аенда Казанның эре сәүдә үзәгендә узачак ярминкәләр сериясендә бушлай катнашуга үзмәшгульләрдән гаризалар кабул ителә.

Татарстан үзмәшгульләренә "Нәтиҗәле һәм конкурентлы икътисад" илкүләм проекты кысаларында Татарстан Республикасы Икътисад министрлыгы һәм аның ведомство буйсынуындагы бизнесны үстерү институтлары ярдәм күрсәтә.

Исегезгә төшерәбез, үзмәшгульләр продукциясе ярминкәләре Татарстанда эксперименталь салым режимы старт алган 2019 елдан башлап даими нигездә уза. «Минем бизнес» үзәге гражданнарның югары трафигы булган урыннарда яки масштаблы шәһәр вакыйгалары кысаларында сәүдә нокталары оештыра. Ел саен чараларда бөтен республикадан йөзләгән үзмәшгульләр катнаша. 

Ярминкәләр МЕГА сәүдә үзәгендә 10 ноябрьдән 3 декабрьгә кадәр узачак. 

Анда Татарстан Республикасы территориясендә эшчәнлек алып баручы үзмәшгульләр катнаша ала. Гаризалар МСП.рф цифрлы платформасында сылтама буенча кабул ителә.

Бүгенге көндә республикада 433 меңнән артык үзмәшгуль граждан исәпләнә. Төбәк «Минем бизнес» базасында Бердәм элемтә үзәге эшли, анда һәр эшкуар стартта консультация генә түгел, ә алга таба үсеш һәм үз эшен масштаблаштыру өчен оптималь хокукый форма сайлауда ярдәм дә алырга мөмкин.

Бизнеска ярдәм итү чаралары турында Бердәм элемтә үзәге номеры буенча белергә була: 8 (843) 524-90-90.