Югары Ослан районында яңа сәнәгать паркы төзеләчәк
Татарстанда «Югары Ослан» яңа индустриаль паркы барлыкка киләчәк.
Кичә булачак объект мәйданчыгында Татарстан Республикасы Премьер-министры урынбасары - икътисад министры Мидхәт Шаһиәхмәтов булды. Эш сәфәре барышында министр район башлыгы Евгений Варакин һәм потенциаль резидентлар белән булачак сәнәгать паркы территориясе белән танышты.
Очрашуда катнашучылар инфраструктураны үстерүнең төп бурычлары, эшкуарларга ярдәм итү, заманча инженерлык базасы булдыру, шулай ук мәйданчык резиденты булырга ниятләгән компанияләр тарырга мөмкин булган потенциаль мәсьәләләр турында фикер алыштылар.
Сәнәгать паркларын үстерүгә Татарстан Республикасы Рәисе Рөстәм Миңнеханов зур игътибар бирә. Аның стратегик карашы нәтиҗәсендә Татарстан индустриаль мәйданчыклар булдыру һәм инвесторлар җәлеп итү буенча лидер булып кала, бу яңа эш урыннары булдыруга һәм республиканың икътисадый үсешенә этәргеч бирә.
«Югары Ослан» сәнәгать паркы үз проектларын алга киткән инфраструктуралы һәм дәүләт ярдәме булган мәйданчыкта гамәлгә ашырырга әзер булган предприятиеләр өчен яңа мөмкинлек булачак.
Алда проект документациясен әзерләү һәм территорияне инженерлык белән тәэмин итү. Бу проектны тормышка ашыру Югары Ослан муниципаль районының социаль-икътисадый үсеше өчен мөһим адым булып тора.