Татарстанда Бәхрәйн Шәехен каршы алдылар
Бүген Казанга Россиядә AAOIFI беренче халыкара конференциясен уздыру кысаларында аның Галиҗәнапләре Шәех Ибраһим бен Хәлифә әл Хәлифә килде.
Моннан тыш, эшлекле элемтәләрне һәм хезмәттәшлекне ныгытуга юнәлдерелгән берничә килешү һәм әйдәп баручы финанс оешмалары белән очрашулар планлаштырылган.
Кунак шулай ук «Россия – Ислам дөньясы: KAZANFORUM» XVI халыкара икътисадый форумы кысаларында «Россия Федерациясенең икътисадый үсешендә партнерлык финанслары потенциалын куллану» пленар сессиясендә дә катнашачак.
Бүген Шәехкә визит кысаларында Казанның төп истәлекле урыннары күрсәтелде, аларны ТР Премьер-министры урынбасары - икътисад министры Мидхәт Шаһиәхмәтов озатып йөрде.
Ахырда Мөселманнарның диния нәзарәтендә Татарстан мөфтие Камил хәзрәт Сәмигуллин белән нәтиҗәле очрашу булды.
Kazanforum-2025 диалог һәм партнерлык өчен мөһим платформа булырга вәгъдә итә, ә Бәхрәйнның хөрмәтле вәкиленең килүе халыкара инвесторларның Россия базарына кызыксынуын ассызыклый.