Татарстанда яшь бизнесменнар өчен «Эшкуарлык ит» форумы старт алды
Казанда Татарстан Республикасы Икътисад министрлыгы һәм «ИТ-парк» югары технологияләр өлкәсендәге технопарк ярдәмендә Татарстан Республикасы Яшьләр хөкүмәте тарафыннан яшь эшкуарлар өчен өч көнлек «Эшкуарлык ит» форумы старт алды.
Чара тәҗрибә уртаклашу, эшлекле элемтәләрне җайга салу һәм эш башлаучы эшкуарларны укыту мәйданчыгына әверелде.
Татарстан Республикасы Икътисад министрлыгының Эшкуарлыкны үстерү департаменты директоры урынбасары Эмиль Хисмәтов форумны ачу тантанасында катнашты һәм сәламләү сүзе белән чыгыш ясады, шулай ук, регион икътисады өчен яшьләр эшкуарлыгын үстерүнең мөһимлеген билгеләп, хисап сессиясе спикеры булды.
«Татарстан барлык тармакларда да, шул исәптән эшкуарлыкка ярдәм итүдә һәм үстерүдә дә беренче булырга омтыла. Татарстан Республикасы Икътисад министрлыгы сезнең инициативаларны хуплау өчен һәрвакыт ачык. Без эшкуарлыкны үстерү өчен уңайлы шартлар тудыру өстендә актив эшлибез һәм ярдәм чараларының һәм үсеш инструментларының киң спектрын тәкъдим итеп, сезгә идеяләрегезне тормышка ашыруда ярдәм итәргә әзер», – дип билгеләде Эмиль Хисмәтов.
«Эшкуарлык ит» форумы Татарстанның яшь эшкуарларына үз бизнес-идеяләрен үстерүдә ярдәм алу һәм төбәкнең икътисадый үсешенә өлеш кертү өчен уникаль мөмкинлек бирә.
Яшь һәм амбициоз эшкуарлар тәҗрибә уртаклашу, яңа эшлекле элемтәләр табу һәм әйдәп баручы экспертлардан кыйммәтле белем алу өчен бергә җыелдылар. Форум программасында – Россиядә бизнесны үстерүнең актуаль мәсьәләләре буенча мастер-класслар, бизнес-сессияләр, нетворкинг һәм эксперт дискуссияләре.