Татарстанда контроль (күзәтчелек) эшчәнлеге буенча семинарга 200дән артык кеше җыелды
Бүген Татарстан Республикасы Икътисад министрлыгында дәүләт граждан һәм муниципаль хезмәткәрләр өчен 2024 ел нәтиҗәләре буенча бизнеска административ басымны киметү эшен оештыру турында белем бирү семинары узды.
Чараның спикеры булып Россия Икътисадый үсеш министрлыгының лицензияләү, контроль-күзәтчелек эшчәнлеге, аккредитацияләү һәм үүзкөйләнеш өлкәсендә дәүләт сәясәте департаменты директоры урынбасары Игорь Судец чыгыш ясады.
Үз чыгышында ул контроль эшчәнлек өлкәсендәге төп закон яңалыклары белән уртаклашты, контроль һәм профилактик чаралар уздырудагы үзгәрешләр турында сөйләде.
Спикер шулай ук, процессларны цифрлаштыру мәсьәләләрен дә кертеп, контроль (күзәтчелек) эшчәнлеген җайга салуның актуаль һәм киләчәк аспектлары турында да сөйләде.
Программа ачылышында Татарстан Республикасы икътисад министры урынбасары Гөлназ Исмәгыйлова чыгыш ясады. Ул ассызыклаганча, Икътисад министрлыгы административ каршылыкларны киметү һәм республикада бизнес өчен уңайлы шартлар тудыру өчен контроль органнары белән һәрвакыт актив хезмәттәшлек итә. Шулай ук контроль (күзәтчелек) чаралары кысаларында 2025 елга куелган бурычлар да әйтелде.
Исегезгә төшерәбез, Татарстан Республикасының төбәк һәм муниципаль дәрәҗәдәге инспекторларының квалификациясен күтәрү буенча укыту программалары КФУ урта гомуми белем бирү мәктәбе базасында оештырыла. Укыту программалары кысаларында контроль органнары вәкилләре контроль вәкаләтләрен гамәлгә ашыруның нәтиҗәле системасын формалаштыруның төп алымнарын өйрәнәләр, хуҗалык итүче субъектларга административ йөкләнешне киметергә мөмкинлек бирә торган инструментлар белән танышалар һәм эш тәҗрибәсе белән уртаклашалар.