Татарстанда азык-төлек продуктлары һәм азык-төлек технологияләре халыкара күргәзмәсендә бушлай катнашуга бизнестан гаризалар кабул ителә башлады

Экспортка ярдәм үзәге 2025 елның 8-10 апрелендә Ташкент шәһәрендә узачак UzFood 2025 халыкара күргәзмәсендә Татарстан Республикасының күмәк стенды составында катнашуга төбәк бизнесыннан гаризалар кабул итә башлады. 

24 нче Халыкара азык-төлек продуктлары, ингредиентлар һәм азык-төлек технологияләре күргәзмәсе азык-төлек сәнәгате өлкәсендә төп профильле вакыйгаларның берсе булачак. Ел саен күргәзмәдә азык-төлекнең илкүләм һәм дөнья базарларын тәкъдим итүче алдынгы җитештерүчеләр, тәэмин итүчеләр һәм дистрибьюторлар катнаша.

Экспортка ярдәм үзәге күргәзмәдә катнашканда күргәзмә мәйданын арендалауга, стенд төзүгә, өстәмә җиһазлар арендалауга, трансферга, теркәлү кертемнәрен түләүгә, презентация материалларын һәм/яки коммерцияле тәкъдимнәрне чит телгә тәрҗемә итүгә  эшкуарларның чыгымнарын финанслый. 

Традиция буенча күргәзмәгә әйдәп баручы компанияләрнең топ-менеджерлары, импортерлар һәм дистрибьюторлар килә, алар азык-төлек продуктларының һәм җиһазларның зур ассортименты белән таныша, шулай ук үз партнерларын таба ала.

Гаризаларны җыю 8 февральгә кадәр ике цифрлы платформа аша алып барыла: Мой экспорт һәм МСП.РФ

Экспортка юнәлтелгән эшкуарларга ярдәм итү чаралары турында Татарстан Республикасы эшкуарлыкка ярдәм фондының Экспортка ярдәм үзәгендә әлеге телефон аша белергә мөмкин: 8(843)222-90-60.