Татарстан Республикасы Гарантия фонды Татарстан Республикасында «БЕРДӘМ РОССИЯ» партиясе рәисенең төбәк иҗтимагый кабул итү бүлмәсендә туры эфирда катнашты
2024 елның 9 октябрендә Татарстан Республикасы Гарантия фонды Татарстан Республикасында эшкуарларга дәүләт ярдәменә һәм республиканың кече һәм урта бизнесын яклауга багышланган «БЕРДӘМ РОССИЯ» партиясе Рәисе Д.А. Медведевның туры эфирында катнашты.
Чара Россия Федерациясе Федераль Җыены Дәүләт Думасының Икътисадый сәясәт комитеты рәисе Максим Топилин рәислегендә узды.
Эфир барышында Татарстан Республикасы эшкуарлары өчен мөмкин булган финанс һәм финанс булмаган ярдәм чаралары турында фикер алыштылар, шулай ук төп сорау күтәрелде: дәүләт ярдәмен алу өчен республика эшкуарына кая мөрәҗәгать итәргә?
Үз чыгышында Татарстан Республикасы Гарантия фондының икътисад һәм финанслар буенча директор урынбасары Рәсим Госманов республика эшкуарларына Татарстан Республикасы Гарантия фонды поручительлеге рәвешендә гарантияле ярдәм күрсәтү шартлары, шулай ук махсус эшләнгән ташламалы продуктлар турында сөйләде:
- «МХО ярдәм» гарантияле продукт турында, ул махсус хәрби операциядә катнашу өчен контракт буенча хәрби хезмәткә бер яки берничә хезмәткәрне җибәргән предприятиеләр өчен билгеләнгән;
- «Интеллектуаль актив» ташламалы гарантияле продукт турында, ул йөкләмә суммасыннан 95% гарантияле ярдәм белән интеллектуаль милек хокуклары залогына займ рәсмиләштерергә теләүче эшкуарлар өчен;
- «Даман» уникаль гарантияле продукт турында, ул Татарстан Республикасы Гарантия фонды тарафыннан Россия ислам университеты белән берлектә ислам финанслары кысаларында эшләнгән һәм Татарстан Республикасы мөселманнары Диния нәзарәте Голамәләр шурасы тарафыннан хупланган.
Исегезгә төшерәбез, Татарстан Республикасы Икътисад министрлыгына караган Татарстан Республикасы Гарантия фонды финанс оешмасы нәтиҗәсе буенча тотрыклы финанс хәленә ия булган, әмма җитәрлек залог тәэмин ителеше булмаган эшкуарларга заем финансларын (кредит, заем, лизинг, банк гарантиясе) рәсмиләштергәндә поручительлек бирә.
Татарстан эшкуарлары Татарстан Республикасы Гарантия фонды сайтында гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак белә ала, телефоннар: +7(843)293-16-94, +7 (903) 061-40-18, шулай ук Казан шәһәре, Мәскәү урамы, 55 йорт адресы буенча Фондның үзенә дә мөрәҗәгать итәргә мөмкин.
Искәртеп узыйк, Татарстан Республикасында илебез эшкуарларына ярдәм Министрлыкка караган «Минем бизнес» үзәге һәм Россия Президенты Владимир Путин инициативасы белән оештырылган «Кече һәм урта эшкуарлык һәм шәхси эшкуарлык инициативасына ярдәм» илкүләм проекты кысаларында гамәлгә ашырыла.