Татарстан эшкуарларына «Җитештерү кооперациясе һәм сату» сервисы бар

Эшкуарлар өчен КУЭ цифрлы платформасында «Җитештерү кооперациясе һәм сату» сервисы эшли башлады. Бу яңа продукт, ул КУЭ цифрлы платформасын кулланып, эре шәхси бизнес тарафыннан КУЭ субъектлары продукциясенә ихтыяҗны стимуллаштыру өчен эшләнгән. Яңа сервисны эшләү максаты – сату каналларын киңәйтергә һәм әйдәп баручы компанияләрне һәм федераль сәүдә челтәрләрен тәэмин итүче булырга теләгән КУЭ җитештерүчеләренә ярдәм итү.

Сервис азык-төлек һәм азык-төлек булмаган товарлар, комплектлау материаллары, чимал һәм башка сәнәгать продукциясен җитештерүчеләр һәм тәэмин итүчеләр турында мәгълүмат җыя һәм системалаштыра, тәэмин итүчеләрне эзләүгә сораулар урнаштырыла. Шулай ук КУЭ субъектлары тарафыннан соралган продукцияне җитештерүгә һәм җиткерүгә коммерция тәкъдимнәрен юнәлтү буенча функционал да гамәлгә ашырыла.

«Җитештерү кооперациясе һәм сату» сервисының өстенлекләре шунда ки, КУЭ цифрлы платформасында теркәлгәндә, бизнес вәкиленә платформада тәкъдим ителгән сервисларның бөтен спектры ачыла: дәүләт ярдәме чаралары, региональ ярдәм чаралары, электрон имза алу, бизнес өчен статистика, документлар конструкторы, эшкуар календаре һ.б.

Исегезгә төшерәбез, МСП.РФ цифрлы платформасы кече һәм урта бизнеска ярдәм итү өчен булдырылган һәм «Кече һәм урта эшкуарлык» илкүләм проекты кысаларында үсеш ала.