Чаллыда 2023 елда сатып алуларда катнашу үзенчәлекләре турында бизнес өчен семинар узды
Бүген Чаллы шәһәрендә Сәүдә-сәнәгать палатасы берлегендә «Кече һәм урта эшкуарлык» илкүләм проектын тормышка ашыру кысаларында «Кече һәм урта бизнес вәкилләренең һәм үзмәшгуль гражданнарның эре заказчылар сатып алуларындада катнашуы» темасына бизнес-семинар узды.
Оештыручылар булып Татарстан Республикасы Икътисад министрлыгы һәм «КУЭ корпорациясе» АҖ чыгыш ясады.
Чараның спикерлары: «КУЭ» корпорациясе» АҖнең Тәңгәллекне бәяләү һәм мониторинглау дирекциясе консультанты Сергей Пакулов, «Транснефть» ГАҖ һәм «РЖД» ГАҖнең эре заказчылары вәкилләре, электрон сәүдә мәйданчыклары вәкилләре.
Чара кысаларында шәһәр эшкуарлары 2023 елда 223-ФЗ буенча сатып алуларда катнашу үзенчәлекләре турында белделәр:
- сатып алу базарына беренче тапкыр чыгу өчен нәрсә кирәк: закон таләпләре, практика анализы, сатып алуларны эзләү, тәэмин итүченең чек-листы;
- документация составы, катнашуга гариза бирү үзенчәлекләре;
- үзмәшгуль гражданнарның сатып алуда катнашуы һ.б.
Шулай ук тере диалог форматында спикерлар эшкуарларның сорауларына да җавап бирделәр.