Чаллыда бизнес һәм үзмәшгульләр өчен эре заказчыларның сатуларында катнашу турында бушлай семинар узачак

1 августта Чаллыда республиканың эре федераль компанияләренең сатуларында катнашырга теләүче эшкуарлары һәм үзмәшгульләре өчен гомуми семинар узачак. 

Чарада Чаллы шәһәре администрациясе вәкилләре, «КУЭ корпорациясе» АҖ, иң эре заказчылар («Транснефть» ГАҖ, «РЖД» ААҖ), электрон сәүдә мәйданчыклары (ЭТП) вәкилләре, шул исәптән Татарстан Республикасының Дәүләт заказы агентлыгы да чыгыш ясаячак.

Семинар кысаларында экспертлар сатып алулар өлкәсендәге законнарның төп аспектлары, продукцияне сатуның нәтиҗәле инструментлары ярдәмендә кече бизнеска ярдәм итү турында сөйләячәкләр, эре дәүләт корпорацияләренең тендерларында катнашу нюанслары турындагы сорауларга җавап бирәчәкләр һәм сатып алуларда катнашу вакытында барлыкка килергә мөмкин булган катлаулылыкларны тикшерәчәкләр. 

Программада түбәндәге темалар бар:

• КУЭ субъектларының һәм үзмәшгульләрнең эре заказчыларның сатуларына керүен тәэмин итү
• Төбәк маркетинг үзәге кысаларында кече һәм урта бизнеска ярдәм
• 2023 елда 223-ФЗ буенча сатып алуларда катнашу үзенчәлекләре 
• Сатып алуларны гамәлгә ашыру практикасы
• Тәэмин итүчеләр өчен файдалы хезмәтләр: ЭТП теркәлүдән алып укыту программаларына кадәр

Семинарда катнашу – дәүләт сатып алуларының үзенчәлекләре, анда катнашу кагыйдәләре һәм килешүләр төзү турында белү мөмкинлеге. Чакырылган экспертлар агымдагы икътисадый шартларны исәпкә алып, бизнесны үстерү буенча файдалы һәм гамәли-кулланыла торган киңәшләр белән уртаклашачаклар, шулай ук эшкуарларның барлык сорауларына да җавап бирәчәкләр. 

Чараны оештыручы – Татарстан Республикасы Хөкүмәте ярдәме белән «Кече һәм урта эшкуарлыкны үстерү буенча федераль корпорация» АҖ.  

Чара Чаллы шәһәре, Шамил Усманов урамы, 122 йорт адресы буенча, «Чаллы шәһәре Сәүдә-сәнәгать палатасы» берлегенең уку үзәгенең актлар залы (аерым керү урыны) адресы буенча узачак.

Датасы һәм вакыты: 1 август, 2023 ел,  11:00 сәгатьтән 14:00 сәгатькә кадәр (катнашучыларны 10:30 сәгатьтән 11:00 сәгатькә кадәр теркәячәкләр)

Сылтама буенча алдан теркәлү кирәк https://мсп.рф/education/events/kak-vyigrat-tender-i-stat-postavshchikom-krupneyshikh-kompaniy-76357637. Катнашу – бушлай.