Казанда студентлар стартаплары өчен зур түгәрәк өстәл узачак
«Минем бизнес» үзәге Татарстан Республикасы Икътисад министрлыгы белән берлектә 29 июньдә 11:00 сәгатьтә Инновацияләргә ярдәм итү фондыннан «Студентлар стартабы» конкурсында җиңүчеләр өчен түгәрәк өстәл үткәрәчәк.
Экспертлар яшь инноваторларга стартапларны таныту һәм үстерү, Инновацияләргә ярдәм фондына хисап әзерләү һәм тапшыру өчен бушлай хезмәтләр турында, шулай ук үз проектларына өстәмә финансларны ничек җәлеп итү турында сөйләячәкләр.
Очрашу кысаларында стартаплар өчен «Сколково» Фонды белән берлектә гамәлгә ашырыла торган бушлай белем бирү программасы презентациясе, шулай ук «уңыш тарихы. Стартапка яңа дәрәҗәгә ничек чыгарга?» спич-сессиясе узачак.
Исегезгә төшерәбез: «Кече һәм урта эшкуарлык» илкүләм проектын гамәлгә ашыру кысаларында Татарстан Республикасының «Минем бизнес» үзәге базасында 2022 елда Инновацияләргә ярдәм фондының төбәк вәкиллеге ачылды.
«Минем бизнес» үзәге Татарстан Республикасы предприятиеләре, югары уку йортлары, министрлыклары һәм ведомстволары белән алга таба технологик проектларны коммерцияләштерү өчен, «Студентлар стартабы» бәйгесендә җиңүче һәр конкрет проектны гамәлгә ашыру процессын гомуми интеграцияләүне башкара.
Шулай ук Үзәк «Студентлар стартабы» программасының финалист студентларын технология предприятиеләренә технология эшкуарлыгы экспертлары тарафыннан укыту һәм остазлык аша үстерә.
Чарада катнашу өчен сылтама буенча теркәлергә кирәк.
Очрашу Казан ш., Петербург ур., 28, 3 кат, Алафузов залы адресы буенча Эшкуар йортында узачак.