Татарстанның 150 дән артык эшкуары һәм үзмәшгульләре электрон сәүдә бизнес-мәктәбендә белем алды

30 майда 150 дән артык Татарстан эшкуары һәм үзмәшгульләре Казан сәүдә институты һәм Татарстан Республикасы Эшкуарлыкка ярдәм фондының «Минем бизнес» үзәге ярдәмендә Россиянең әйдәп баручы Wildberries маркетплейсы һәм «Маркетплейс.Легко» Электрон сәүдә үзәге (ЦЭТ) оештырган «Бизнес мәктәбе»ндә катнашты.

Үзмәшгульләр һәм эшкуарлар  интернет-сәүдә алып баруның юридик һәм финанс үзенчәлекләрен, шәхси кабинетта эшләүне, сатуны башлауны һәм маркетплейста товарларны танытуны өйрәнделәр, сатучыларның киң таралган хаталарын һәм алардан качу юлларын карадылар.

Бу инде Wildberries ның икенче белем бирү проекты, маркетплейс аны беренче тапкыр Татарстан Республикасында гамәлгә ашырган иде. Исегезгә төшерәбез: узган елның көзендә Татьяна Бакальчук шулай ук Казанда «Wildberries» сатучылар мәктәбен башлап җибәрде. Ул вакытта бушлай уку курсы барышында маркетплейс белгечләре Татарстан эшкуарлары һәм үзмәшгульләр белән сатуны уңышлы башлау серләре белән уртаклаштылар, товарларны төрү һәм җибәрү үзенчәлекләре һәм аларны таныту турында сөйләделәр.

Исегезгә төшерәбез: Татарстан Республикасында үз брендларына маркетплейсларга чыгарга ярдәм итү «Кече һәм урта эшкуарлык һәм шәхси эшкуарлык инициативасына ярдәм итү» илкүләм проекты кысаларында Татарстан Республикасы Эшкуарлыкка ярдәм итү фондының «Минем бизнес» үзәге тарафыннан гамәлгә ашырыла.