Ландшафт предприятиесе ТР Гарантия фонды ярдәме белән 10 млн сум ташламалы финанслауны җәлеп итте
Ярдәм «Кече һәм урта эшкуарлык» милли проектын гамәлгә ашыру кысаларында күрсәтелә. Алынган акчалар җитештерү күләмен арттыруга һәм компаниянең җитештерелгән продукциясе ассортиментын киңәйтүгә юнәлдереләчәк.
«Парк Сервис» ҖЧҖ 1997 елдан декоратив агачлар, куаклар һәм күпьеллык чәчәкләр җитештерү, ландшафт дизайны һәм киңлекләрне яшелләндерү белән шөгыльләнә.
«Парк Сервис» компаниясенең мөһим объектларының берсе – Казан шәһәренең Кабан күле Яр буе. Яр буенда 12 меңнән артык үсемлек – биш төрле тал, алмагач, өрәңге, ирга, камыш, җикәнбаш, кылыч үлән, кура(й) үләне, шомырт һәм башка күп үсемлекләр утыртылган. Үсемлекләр җирле климат шартларына җайлашу мөмкинлегеннән чыгып сайланган, шуңа күрә үсемлекләр елның салкын вакытын авырлыксыз кичерә ала. Ел саен «Парк Сервис» компаниясе Кабан күле Яр буендагы территориягә сервис хезмәте күрсәтә.
Җитештерү темпларын арттыру һәм җитештерелгән продукция ассортиментын киңәйтү өчен компаниягә заем финанслау кирәк була.
Татарстан Республикасы Икътисад министрлыгы карамагындагы Татарстан Республикасы Гарантия фонды «Икеләтә андеррайтингсыз механизм» продукты кысаларында 5 млн сум күләмендә поручитель булып, аның буенча компания 10 млн сум күләмендә отышлы шартларда финанслауны җәлеп итә алды.
Гариза бирергә, үз бизнесыңның гарантия ярдәме алу шартларына туры килүен тикшерергә, ташламалы программалар турында тулырак мәгълүматны Татарстан Республикасы Гарантия фонды сайтында, шулай ук +7(843)293-16-94, +7 (903) 061-40-18 телефоннарына шалтыратып белергә мөмкин. Ярдәм чаралары мәсьәләләре буенча эшкуарлар «Минем бизнес» үзәгенең кайнар линия телефоны аша 8(843)524-90-90 мөрәҗәгать итә алалар.