Татарстан эшкуарларына экспорт эшчәнлегенә дәүләт ярдәме турында сөйләячәкләр

18 майда 10:00 сәгатьтә Татарстан Республикасы Икътисад министрлыгы ярдәме белән Татарстан Республикасы Эшкуарлыкка ярдәм фондының Экспортка ярдәм итү үзәге эшкуарлар өчен «Россия экспорт үзәге» АҖ (РЭЦ АҖ) хезмәтләре турында онлайн-вебинар үткәрәчәк.

Вебинар кысаларында «РЭЦ» АҖ гә ярдәм чаралары каралачак:

• агросәнәгать комплексы (АПК) продукциясен дегустация-демонстрация павильонында урнаштыру;
• потенциаль импортер сайлау һәм партнер һәм альтернатив чит ил тәэмин итүчесен табу;
• күргәзмәләр һәм бизнес-миссияләр;
• кече һәм урта эшкуарлык субъектының түләүне кичектереп торуын иминиятләштерү; «Экспорт стандарты» кредиты бирү;
• кыска вакытлы дебиторлык бурычын иминиятләштерү;
• АПК продукциясен, сәнәгать продукциясен ташуга чыгымнарны компенсацияләү, шулай ук продукцияне тышкы базарларда (шул исәптән фармацевтика һәм медицина сәнәгатендә) сертификацияләү белән бәйле чыгымнарның бер өлешен компенсацияләү һәм башка күпләр.

Катнашу өчен 2023 елның 18 маена кадәр КУЭ.РФ ның Цифрлы платформасы аша чарага теркәлергә кирәк («Сервислар» – «Төбәк ярдәм чаралары» – «Ярдәм алу» – төбәкне һәм үзегезнең бизнесны күрсәтргә – «Экспортерлар өчен вебинарларда катнашуга язылу»).

Вебинарга сылтама аша тоташырга мөмкин. Элемтәгә керү өчен: Яна Овсянникова, +7 (843) 222-90-60 (өстәмә 272) яки +7 (987) 270-06-91.

Исегезгә төшерәбез: Татарстан Республикасында илебез эшкуарларына ярдәм «Кече һәм урта эшкуарлык һәм шәхси эшкуарлык инициативасына ярдәм» илкүләм проекты кысаларында гамәлгә ашырыла. Дәүләт ярдәменнән файдалану турында ТР Эшкуарлыкка ярдәм фондының «Минем бизнес» үзәге кайнар линиясе телефоны аша киңәшләшергә мөмкин: 8(843)524-90-90.