Икътисад министрлыгы Татарстан Республикасы Министрлар Кабинеты карарына экспертиза үткәрү турында хәбәр итә
Татарстан Республикасы Икътисад министрлыгы тарафыннан, 2023 елның 19 маеннан башлап, «Татарстан Республикасында территорияләрне комплекслы үстерү проектларын гамәлгә ашыру чаралары турында» 2021 елның 24 сентябрендәге 913 номерлы Татарстан Республикасы Министрлар Кабинеты карарына экспертиза үткәреләчәк.
Экспертиза үткәрү максаты: эшләү һәм кабул итү барышында игълан ителгән җайлау максатларына ирешүне, тәкъдим ителгән хокукый көйләү ысулының нәтиҗәлелеген, хокук куллану тәҗрибәсен анализлау аша тәкъдим ителгән хокукый көйләү ысулының чынбарлыктагы уңай һәм тискәре нәтиҗәләрен бәяләү.
Бизнес-берләшмәләр вәкилләрен һәм башка кызыксынган затларны күрсәтелгән норматив хокукый актларны экспертизалау кысаларында гавами консультацияләрдә катнашырга чакырабыз. Гавами консультацияләр үткәрү вакыты: 2023 елның 19 маеннан 18 июненә кадәр.
анда эшкуарлык һәм башка эшчәнлек субъектлары өчен артык административ һәм башка чикләүләр һәм бурычлар кертүче яки аларны кертүгә ярдәм итүче нигезләмәләр, шулай ук эшкуарлык һәм башка эшчәнлек субъектларының һәм Россия Федерациясе бюджет системасының барлык дәрәҗәдәге бюджетларының нигезсез чыгымнары барлыкка килүгә ярдәм итә торган нигезләмәләр булган очракта, үз искәрмәләрегезне һәм тәкъдимнәрегезне Татарстан Республикасы Икътисад министрлыгының Җайлау йогынтысын бәяләү секторына электрон почта аша EV.Filippova@tatar.ru җибәрүегезне сорыйбыз.