Татарстан эшкуарлары контроль органнарының профилактик визитларын уңай бәялиләр

Татарстан Республикасы Икътисад министрлыгы контроль органнары тарафыннан профилактик визитларны гамәлгә ашыруның нәтиҗәлелегенә анализ ясады. Апрель аенда бизнеска административ йөкләнешне киметү коралы белән очрашкан эшкуарлар сораштырылды.

Быел инде 426 профилактик визит уздырылды. Контроль органнары белән эшләүнең мондый форматы ТР Икътисад министрлыгы һәм республиканың бизнес вәкилләре тарафыннан уңай бәяләмәләр алды.

Респондентлар арасында махсуслаштырылган төзүче «ДОМКОР» ҖЧҖнең җитештерү буенча директор урынбасары бар. 2023 елның 26 апрелендә Татарстан Республикасы Дәүләт төзелешен күзәтү инспекциясе белгечләре профилактик визит белән Алабуга шәһәрендәге «ДОМКОР» ҖЧҖнең төзелеш объектында булдылар. Алар компания хезмәткәрләренә төзелеш законнарының мәҗбүри таләпләре турында хәбәр иттеләр, аңлату эшләре үткәрделәр һәм куркынычсызлыкны тәэмин итү буенча тәкъдимнәр бирделәр.

Директор урынбасары визитны контроль органнары белән аралашуның нәтиҗәле ысулы дип бәяләде, закон таләпләрен аңлау барлыкка килде, күзәтчелек органы вәкилләре барлык сорауларга җавап бирде, алга таба эшләү өчен файдалы мәгълүмат алынды. 

Исегезгә төшерәбез: Хәзерге вакытта бизнес объектларында профилактик чаралар үткәрү Татарстан Республикасында тикшерү (күзәтчелек) органнары эшенең өстенлекле юнәлешләренең берсе булып тора. Профилактик чаралар үткәрү форматы, шул исәптән профилактик визит кебек бик нәтиҗәле, чөнки артык административ басымсыз, эшкуарлар белән үзара хезмәттәшлек режимында, эшкуарлар һәм кулланучылар мәнфәгатьләренә җавап бирә торган бизнесның куркынычсыз эшләвенә ирешергә мөмкинлек бирә.