Идарәче кадрлар әзерләү буенча Президент программасы республика предприятиеләрендә стажировка узарга мөмкинлек бирә
Россия Федерациясе халык хуҗалыгы оешмалары өчен идарәче кадрлар әзерләү программасы республикада 1998 елдан бирле тормышка ашырыла һәм предприятиеләрнең икътисади һәм финанс хәлен яхшыртуга, төбәктә мәшгульлекне тәэмин итүгә турыдан-туры йогынты ясарга чакырылган перспективалы проектларны эшләү һәм апробацияләүнең нәтиҗәле тәҗрибә мәйданчыгы буларак үзен тулысынча күрсәтте.
Агымдагы елның апрель ахырында Программа кысаларында гамәлгә ашырыла торган 2022/2023 уку елының «Менеджмент» программасының уку планы нигезендә Казан (Идел буе) федераль университеты тыңлаучылары өчен Казанда урнашкан «Данафлекс НАНО» ҖЧҖ предприятиесе территориясендә стажировка оештырылды. Компаниянең төп эшчәнлеге – товарларны төрү өчен пластмасса эшләнмәләр җитештерү. «Данафлекс НАНО» ҖЧҖ – Россиядә тулы цикллы цифрлы сыгылмалы төргәкләүнең бердәнбер җитештерүчесе. Компания керем күләме буенча тармакта икенче урында тора.
Стажировка узу кысаларында программа тыңлаучылары предприятие эше белән таныштылар, җитештерүнең барлык цехлары эшен өйрәнделәр.
Белешмә өчен:
Идарәче кадрлар әзерләү программасы «Менеджмент» юнәлеше буенча югары һәм урта звено җитәкчеләре өчен гамәлгә ашырыла.
2023 елның 10 маенда 2023/2024 уку елында программа буенча укырга документлар кабул итү тәмамлана.
Уку өчен кандидатлар бәйгесе игълан ителүе турында мәгълүматны сылтама ашарга табарга мөмкин:
https://mert.tatar.ru/KadrovayaPolitica/PPPUpravKadrov/obiyavlenie.htm.