Һөнәри осталык буенча «Профессионаллар» региональ чемпионатына йомгак ясалды
2023 елның 8 апрелендә Казан кооператив институтында 13 компетенция буенча һөнәри осталык буенча «Профессионаллар» региональ чемпионатына йомгак ясалды. Чарада Татарстан Республикасы икътисад министры урынбасары Юлай Миңнуллин катнашты.
Исегезгә төшерәбез: ярышлар 28 марттан 4 апрельгә кадәр Казан кооператив институты мәйданчыгында узды. Конкурста 14 яшькә җиткән укучылар һәм колледж студентлары катнашты. Казан кооператив институты 13 компетенция буенча компетенция үзәге булып тора, шуңа күрә ул инде күп еллар чемпионатны уздыру өчен база булып тора. Чемпионатның максаты – эшче һөнәрләрнең абруен күтәрү, һөнәри белем бирүне үстерү, мәктәп укучыларын һәм колледж студентларын республика икътисадының реаль секторы тарафыннан иң кирәкле һөнәрләр белән якыннан таныштыру.
Чемпионат кысаларында элегрәк «Реклама» компетенциясе буенча ярышларга старт бирелгән иде. Конкурсантлар реклама агентлыгына ребрендинг үткәрделәр: бриф төзеделәр, реклама кампаниясе планын әзерләделәр, шигарь уйлап таптылар, сайт булдырдылар һәм реклама чараларын эшләделәр. Әлеге компетенциядә ярышлар нәтиҗәләре буенча беренче урынны Арсен Агасрян алды, икенче урында Радик Бариев, Нурия Газимова өченче урынны яулады.
Һөнәри осталык буенча «Профессионаллар» Бөтенроссия чемпионатының төбәк этабы Татарстан Республикасында 2023 елның 13 мартыннан 7 апреленә кадәр 298 компетенция буенча 82 мәйданчыкта узды. Ярышларда 2000 гә якын укучы һәм студент катнашты.