Быел Татарстан эшкуарлары КУЭ илкүләм проекты буенча 260 млн сумга якын финанс ярдәме алды

2023 ел башыннан «Кече һәм урта эшкуарлык» илкүләм проектын гамәлгә ашыру кысаларында Татарстан Республикасы бизнесы 260 млн сумга якын ташламалы финанс ярдәме җәлеп итте.

«Кече һәм урта эшкуарлык» илкүләм проекты буенча финанс ярдәмен ТР Икътисад министрлыгы карамагындагы Эшкуарлыкка ярдәм фонды күрсәтә. Оешма республика бизнесменнарына ташламалы шартларда 0,1 дән 5,5 процентка кадәр 3 елга кадәр ставка белән 260 млн сумга якын 127 микрозайм биргән.

Өлешчә мобилизацияләүгә бәйле хәрби хезмәткә чакырылган очракта, килешүне озайту мөмкинлеге белән 5 млн сумга кадәр микрозаемнар эшкуарлык эшчәнлегенең барлык өлкәләрен – социаль эшкуарларны, экспортерларны, үзмәшгульләрне, фермерларны, җитештерү предприятиеләрен һәм башкаларны колачлый.

Эшкуарлар ташламалы финанслау яңа җиһазлар сатып алуга, яңа производстволар ачуга һәм әйләнеш капиталын тулыландыруга юнәлдереләчәк, дип сөйләде.

Кайбер микрофинанс продуктлары шартлары микрозаймны тәэмин итү өчен үз акчалары булмаган эшкуарлар өчен залог белән тәэмин ителүне күз алдында тота, ярдәмне ТР Икътисад министрлыгы карамагындагы Гарантия фонды күрсәтә.

Ташламалы финанслауны Татарстан Республикасы резидентлары 5 млн сумга кадәр 5,5 % ка кадәр 3 елга ала ала. Гаризаны онлайн рәвештә ФАСТТРЕК.РФ порталында һәм «Минем субсидияләрем» республика сервисында тапшырырга мөмкин.

Республика эшкуарлары барлык гамәлдәге ярдәм чаралары буенча консультацияләр алу өчен ТР Эшкуарлыкка ярдәм итү фондының «Минем бизнес» үзәге телефонына 8(843)524-90-90 шалтыратып мөрәҗәгать итә алалар.