Татарстан Республикасы командасы ислам финанслары буенча укуны башлады
Министрлыклар, ведомстволар һәм банклар вәкилләреннән булган Татарстан Республикасы командасы ислам финансинг нигезенең белем бирү программасы буенча Сберуниверситетта укый башлады. Программа Партнерлык финанслау үзәге һәм Саклык банкының махсус проектлары белән берлектә эшләнгән. Икътисад министрлыгыннан Территориаль үсеш бүлеге башлыгы Эльвира Сәгыйтова һәм министр ярдәмчесе Ислам Шәрифуллин катнаша.
Сәламләү сүзе белән Саклык банкының өлкән вице-президенты Олег Ганиев чыгыш ясады: «Без төрле юнәлешле тенденцияләрне күзәтәбез. Бер яктан, партнерлык финанславы өлкәсендә белгечләр, экспертлар кытлыгы бар, икенче яктан – моның өчен Россиядә зур потенциал бар. Һәм без инде хәзер үк безнең программага зур ихтыяҗ күрәбез: планлаштырылган 30 кеше җыю урынына, бүген анда 50 дән артык тыңлаучы бар».
Программа Ислам коммерция хокукы, банк эшчәнлеге һәм страховкалау, капитал һәм инструментлар базары, шулай ук ислам финанс институтлары өчен бухгалтерлык хисабы кебек модульләрне үз эченә ала.
Белем бирү программасы нәтиҗәләре буенча, чыгарылыш тыңлаучылары ислам финанславы өлкәсендә халыкара мәгариф оешмасы Global Islamic Financial Services сертификаты, шулай ук квалификация күтәрү турында диплом алачак.
«Ислам финанславы» программасында экспертлар традицион институтлар белән чагыштырганда ислам коммерция хокукы һәм банк эшчәнлеге нигезләре һәм үзенчәлекләре турында сөйләячәкләр, ислам финанславы өлкәсендәге эш мөмкинлекләрен һәм чикләүләрен тикшерәчәкләр. Шулай ук курста катнашучылар ислам бухгалтерлык хисабы һәм корпоратив идарә өлкәсендә белем дәрәҗәләрен күтәрә алачаклар.
Беренче агымда 50 дән артык җитәкче – яңа тармакны үстерүгә, шулай ук ислам финанславын Россия икътисадына интеграцияләүгә юнәлдерелгән дәүләт учреждениеләре, дәүләт компанияләре, урта һәм эре бизнес вәкилләре катнашты.