Татарстан хакимияте 2023 – 2035 елларга инвестиция меморандумын раслады
Татарстан Хөкүмәте 2023-2035 елларга инвестиция меморандумын раслады. Тиешле карарны Татарстан Республикасы Премьер-министры Алексей Песошин имзалады.
Документ инвестиция эшчәнлегендә катнашучыларның үзара хезмәттәшлегенең нәтиҗәлелеген арттыруга һәм 2030 елга кадәр Татарстан Республикасының Социаль-икътисади үсешенең стратегик максатына ирешүгә юнәлдерелгән.
Меморандум шулай ук 2023 – 2025 елларда төбәкнең инвестиция сәясәтенең 25 өстенлекле юнәлешен билгели. Алар арасында эшкуарлыкка ярдәм итү, РФ төбәкләре һәм чит ил партнерлары белән хезмәттәшлек, электрон сәүдә үсеше, машина төзелеше һәм нефть химиясе өлкәсендә эре югары технологияле проектларны гамәлгә ашыру, шулай ук чит илдән кертелә торган товарларны алмаштыру, азык-төлек иминлеген тәэмин итү һәм цифрлы икътисадны үстерү дә бар.
Әлеге максатларга ирешү өчен, бизнес өчен инфраструктураны, шул исәптән МИЗ һәм сәнәгать паркларын да кертеп, ислам финанславы институтын үстерү һәм электрон сәүдә үсешенә ярдәм итү планлаштырыла.
Дәүләт ярдәме салым ташламалары исәбенә, шул исәптән махсус инвестиция контрактлары кысаларында да, масштаблы инвестиция проектларын гамәлгә ашырганда сатулар үткәрмичә, җир кишәрлекләрен арендага бирү, дәүләт-шәхси партнерлык хисабына күрсәтеләчәк.
Татарстан Республикасы Икътисад министрлыгына, үз чиратында, ел саен республика Хөкүмәтенә раслауга меморандумга туры килә торган өстенлекле инвестиция проектлары исемлеген кертергә кушылды.