Татарстанда эшкуарларның борчыган мәсьәләләре буенча фикер алышу өчен брифинг узачак

Үз юлын әле генә башлаган яки яңа стартапны башлап җибәргән Татарстан бизнесы вәкилләре өчен «Минем Бизнес» үзәгендә эшкуарлыкка ярдәм инфраструктурасының беренче затлары, бизнес-бергәлекләргә нигез салучылар һәм аның вәкилләре катнашында «Новые русские» белем бирү эшлекле проектының брифингы узачак. 

Брифинг мәгълүмат агымында югалып калучы һәм проектны гамәлгә ашыру өчен старт капиталын каян җәлеп итәргә икәнен, дәүләттән нинди ярдәмгә дәгъва итә алуын белмәгән эшкуарларга файдалы булачак.

Чара «Ачык микрофон» форматында узачак, анда эшкуарлар спикерларга теләсә нинди сорау бирә, катлаулы хәлләр турында фикер алыша һәм гамәли киңәшләр ала алачак. Эшкуарлар шулай ук потенциаль инвесторларга үз стартаплары турында сөйли алачаклар. 

Чараның иң актив кунаклары Россия бизнесы турында фильм геройлары булачак. 

Чараның операторы Forbes Russia журналисты Ярослав Бабушкин.

Брифинг спикерлары:

• Айдар Исмәгыйлев — «Мойдодыр» автоюдыргычлар челтәренә нигез салучы, «5 тәгәрмәч», «Кыстыбый», «VESNA» шиномонтажлар челтәренә уртакка нигез салучы, Real Case School бизнес-мәктәбенә нигез салучы;
• Линара Борһанова — Татарстан Республикасы Эшкуарлыкка ярдәм итү Фонды генераль директорының беренче урынбасары – «Минем бизнес» үзәге җитәкчесе;
• Рәсим Усманов – Татарстан Республикасы Гарантия фонды директоры урынбасары;
• Анатолий Кияшко – Татарстанда Стратегик инициативалар агентлыгының җәмәгать вәкиле
• Айдар Булатов — «Эшкуарлык фабрикасы»на нигез салучы, эшкуар, венчур инвесторы

Чара 2 декабрьгә, 13.00 сәгатькә планлаштырылган һәм түбәндәге адрес буенча узачак: Казан шәһ., Петербург ур., 28, «Минем бизнес» үзәге, 3 кат, «Алафузов» залы. Катнашу эшлекле бизнес кием булуны күздә тота.

https://newrussians.timepad.ru/event/2245867/ сылтамасы буенча теркәлергә кирәк.

Урыннар саны чикләнгән. Яңа тарихта үз урыныгызны алырга өлгерегез!