Татарстан эшкуарларына өстәмә белем бирү проектларына дәүләт ярдәме турында сөйләячәкләр

30 ноябрьдә Казанда кече һәм урта эшкуарлык субъектлары өчен балаларга өстәмә белем бирү өлкәсендә хезмәт күрсәтүче түгәрәк өстәл узачак. Эшкуарлар һәм экспертлар проектларны дәүләт ярдәме чараларын җәлеп итеп гамәлгә ашыру тәҗрибәсе белән уртаклашачаклар.

Чакырылган экспертлар: Алексей Зиновьев Татарстан Республикасы Мәгариф һәм фән министрлыгының Мәктәптән тыш эшләр үзәге директоры, Михаил Унтура«Минем бизнес» үзәгенең Социаль өлкә инновацияләр үзәге җитәкчесе, «КУЭ Корпорациясе» АҖ һәм «Россия экспорт үзәге» АҖнең сертификацияләнгән тренеры һәм Маргарита Большакова, «Borita School» Чит телләр һәм балалар үсеше үзәгенә нигез салучы.

Алар катнашучыларга төбәктә балаларга өстәмә белем бирүне оештыру, бу өлкәдә эшкуарлар өчен системалы маркетинг, социаль предприятиеләр исемлегенә керү мөмкинлекләре һәм бу төр предприятиеләргә дәүләт ярдәме чаралары турында сөйләячәкләр.

Компания җитәкчеләре өчен сертификатлы бизнес-тренер Наталья Найденова белән «Йорт төзү» бизнес-уены планлаштырылган. Уен бөтен идарә итү циклын күрергә, үсеш зоналарын билгеләргә, шулай ук эшне планлаштырганда нәрсәгә игътибар итәргә, ресурсларны, бурычларны ничек бүләргә һәм хезмәткәрләрне ничек дәртләндерергә кирәклеге турында мөһим нәтиҗәләр ясарга мөмкинлек бирәчәк.

Чара Татарстан Республикасы Икътисад министрлыгы карамагындагы «Минем бизнес» үзәге һәм Татарстан Республикасы Эшкуарлыкка ярдәм итү фонды ярдәме белән бушлай уздырыла.

Үткәрү вакыты һәм урыны:30 ноябрь, 16:30. Эшкуар йорты, Петербург урамы, 28

Үткәрү форматы: оффлайн, өстәмә онлайн тапшыру мөмкинлеге белән. 

https://docs.google.com/forms/d/e/1FAIpQLSc57kPIuCBxBSzNmi5J3qrdCbXVEnfTAPBt4WnQ9c9lavvKAA/viewform сылтамасы буенча теркәлү. 

Барлык сораулар буенча + 7-904-670-62-81, Шумейко Викториягә мөрәҗәгать итәргә.