Мидхәт Шаһиәхмәтов Татарстан ТОСЭР ларында гамәлгә ашыруга гаризаларны карау буенча комиссия утырышын уздырды
5 инвестицион проект «Чаллы», «Менделеевск» һәм «Чистай» ТОСЭРларында эшчәнлекне гамәлгә ашыру турында килешүләр төзүгә гаризалар карау буенча комиссия утырышында хупланды. Чара Министрлар Кабинетында Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов рәислегендә узды.
Шунысын да билгеләп үтәргә кирәк, тикшерелгән проектларның 4 есе – өр-яңа һәм алар Чаллы, Менделеевск һәм Чистай территориаль икътисади зоналарында гамәлгә ашырылачак. «Чистай» ТОСЭРында тормышка ашырыла БАРС Аяк киеме компаниясенең күннән һәм ПВХдан махсус аяк киеме җитештерү проектына планлаштырыла торган инвестицияләр һәм капитал салулар күләмен арттыруга, шулай ук эш урыннарын 90 берәмлектән 180 берәмлеккә кадәр үстерүгә кагылышлы үзгәрешләр кертелде. Барлыгы каралган 5 инвестиция проектын гамәлгә ашыру нәтиҗәсендә өстәмә рәвештә 310 эш урыны булдырылачак.
Шулай ук Чистайдагы ТОСЭРда он кондитер әйберләре җитештерү эшләтеп җибәреләчәк. «Кама кондитеры» ҖЧҖ 3,5 млн сумлык инвестиция проектын тормышка ашыра, өстәмә рәвештә 11 яңа эш урыны булдыру планлаштырыла.
«Яр Чаллы» ТОСЭРы берьюлы ике яңа резидент белән тулыланачак. Төзелештә куллану өчен бетон эшләнмәләре җитештерүне «Ячеистый бетон» ҖЧҖ башлап җибәрәчәк. Проектның бәясе 617,5 млн сум дип бәяләнә, аны гамәлгә ашыру 75 хезмәткәрне эшкә урнаштырырга мөмкинлек бирәчәк. Шулай ук Чаллыда «Брусчатка» ҖЧҖ шул ук исемдәге продукция әзерләү белән шөгыльләнәчәк, булдырыла торган эш урыннарының гомуми саны – 28 берәмлек һәм бәясе 291 млн сумнан артып китә.
Менделеевскида Алгарышлы социаль-икътисади үсеш территориясендә балык җитештерү предприятиесе эшли башлаячак. «Акваполис» ҖЧҖ компаниясе форель үрчетү һәм үстерү белән шөгыльләнәчәк. Проект 100 млн сумга бәяләнә, 18 яңа эш урыны булдыру планлаштырыла.
Республикада инвесторларны җәлеп итү өчен барлык шартлар да тудырылган. Татарстанда 5 Алгарышлы социаль-икътисади үсеш территориясендә барлыгы 124 резидент үз производстволарын урнаштырган, алар 20,7 меңгә якын эш урыны булдырган.