РМҮ ресурсларында эшкуарларның кереме агымдагы елда 131 млрд сумнан артып киткән
2022 елның 3 кварталында 3700 дән артык эшкуар Республика маркетинг үзәге платформасында 131 млрд сум күләмендә табыш алган.
Республика маркетинг үзәге кече бизнеска оешма һәм предприятиеләр ихтыяҗлары өчен тәэминат базарына үтеп керүне тәэмин итә. Ул Дәүләт заказы агентлыгының федераль электрон сәүдә мәйданчыгында Татарстан Икътисад министрлыгы инициативасы белән оештырылган һәм көндәшлек мохитен үстерү, биләнмәгән инвестиция урыннарын билгеләү һәм эчке ихтыяҗны стимуллаштыру инструменты булып тора.
Быел, санкцияләрнең нәтиҗәләрен йомшарту өчен, РМҮ базасында «Импортны алмаштыру үзәге» эшли башлады. Аның механизмы илдә җитештерелә торган импортны алмаштыра торган продукция турында мәгълүмат җыюны гамәлгә ашырырга, эшчәнлеге чит ил комплектлау әйберләре, товарлар, чимал һәм җиһазлар кертүгә бәйле булган заказчыларга ярдәм күрсәтергә мөмкинлек бирә.
Моннан тыш, бу инструментта җитештерүче заводлар, кече һәм урта бизнес өчен кирәкле продукция җитештерүне үзләштерергә мөмкинлек бирә торган тәкъдимнәр бар. Ресурс ике бүлектән тора.
Беренчесе – «Элек сатып алына торган продукция реестры» – җитештерүчеләргә һәм сатучыларга шундый ук импортны алыштыручы продукция җитештерү турында мәгълүматны анализларга мөмкинлек бирә. Бүген реестрда 149,5 мең номенклатур позиция бар.
Икенчесе – «Алмаштыру буенча тәкъдимнәр». Бүлек чит ил товарларын һәм Россия җитештергән комплектлаучы товарларны алыштыру буенча җитештерүчеләрнең һәм сатучыларның тәкъдимнәрен берләштерә. Ул 139,2 мең позицияне үз эченә ала.
«Импортны алмаштыру үзәге» ресурсы Республика маркетинг үзәге сайтында ирекле файдалануда: http://rmcrt.ru/index.html
ТР Дәүләт заказы агентлыгы тарафыннан ТР Икътисад министрлыгы белән берлектә заказчылар һәм тәэмин итүчеләр өчен атнага 2 тапкыр бушлай укыту семинарлары үткәрү режимы кертелде. Укыту өчен сылтамалар http://rmcrt.ru/сайтында «Вебинарлар» бүлегендә урнаштырылган. Быел укыту курсын 1,5 меңгә якын кеше тыңлады.
Шулай ук ТР Дәүләт заказы агентлыгы «кайнар линия» телефоны аша тәүлек буе эшкуарларга Төбәк маркетинг үзәге ресурсларында эшләү мәсьәләләре буенча һәрьяклы ярдәм күрсәтә: 8 800-700-98-73.