Агымдагы елда Татарстанда контроль органнарының 500 дән артык профилактик визиты узды

Агымдагы елда Татарстанда 508 профилактик визит узды инде. Татарстан Республикасы Икътисад министрлыгы үткәргән тикшерү органнары тарафыннан профилактик визитларны гамәлгә ашыруның нәтиҗәлелеген анализлау нәтиҗәләре буенча төбәк эшкуарлары бизнеска административ йөкләнешне киметү инструментын уңай бәялиләр.

Статистика буенча, профилактик визит закон белән саклана торган кыйммәтләргә зыян (зарар) китерү куркынычларын профилактикалау программаларының төбәк компонентына әверелде.

Күрсәтелгән Программаны гамәлгә ашыру кысаларында ел башыннан алып 2022 елның 1 сентябренә кадәр Татарстан Республикасы контроль (күзәтчелек) органнары контрольдә булган субъектларга 508 профилактик визит уздырды, тикшерелгән затның күзәтчелек органы белән үзара бәйләнешенең әлеге формасының файдалы һәм нәтиҗәле булуын раслады.

Контроль инструментының нәтиҗәлелеген мониторинглау барышында август аенда үзләренең һәм арендаланган җирләрендә бөртекле культуралар үстерүче Татарстан фермерлары сораштырылды.

Сораштырылган респондентларның берсе – шәхси эшкуар, крестьян (фермер) хуҗалыгы башлыгы Терпигорева Наталия күзәтчелек органы вәкилләренең  агрокультуралар үстерү белән шөгыльләнә торган кырларына профилактик визит ясаулары турында сөйләде. Күзәтчелек органы инспекторлары урында хокук бозуларга юл куймау буенча кыйммәтле тәкъдимнәр биргәннәр. Мондый очрашу җәза бирү характерында түгел, ә тыныч шартларда уза. Эшкуар чараны уздыруның уңайлыгы һәм аңлаешлылыгыннан канәгать калган.

Эшкуарларның бизнеска административ йөкләнешнең кимүенә җавап итеп, мондый карашы профилактик визитлар институтына хакимият органнарының контроль-күзәтчелек эшчәнлегендә үз позицияләрен үстерергә һәм ныгытырга мөмкинлек бирәчәк.