Татарстан эшкуарлары бизнесны франшиза аша җәелдерергә өйрәнәчәк

Татарстанда «яшь бизнес» өчен «Чио Чио» чәчтарашханәләре челтәренә (800+ нокталары) һәм «Hohoro» кофе-барлары (2400+ нокталары) нигез салучылар катнашында онлайн-программа  старт ала.

12 ноябрьдән 3 декабрьгә кадәр төбәктә Татарстан Республикасы Икътисад министрлыгыннан «Бизнесны франшиза аша җәелдерү» бушлай онлайн-белем бирү программасы старт ала. Укыту ШЭ, ААҖ яки КФХ буларак кимендә 1 ел эшчәнлек алып баучы төбәк эшкуарлары өчен башкарыла.

Программаның экспертлары – Татарстанның иң эре франчайзерлары. «Чио Чио» бренды авторы Илназ Нәбиуллин Россиядә һәм БДБдә 1 номерлы чәчтараш салоннары челтәрен (барлыгы 800 ноктасы бар) булдыру тәҗрибәсе белән уртаклашачак. «Hohoro» компаниясенә нигез салучы Илнар Шәмсетдиновничек итеп 150 кешедән торган команданы төзегәнен һәм 6 илдә 2 400 дән артык кофе-бар ачканын сөйләр. Шулай ук спикерлар сыйфатында «Делман Групп» ҖЧҖ нә нигез салучы Гадел Госманов – эшкуар 103 бизнес оештырган һәм 400 дән артык франшиза саткан һәм Артур Шустов – Казанда «Like Центр» ның экс-хуҗасы – челтәрнең кереме буенча топ-3 франчайзи билгеләнгән. 

Уку вакытында катнашучылар базарны анализлаячаклар һәм бирелгән сегментта үсеш перспективаларын билгеләячәкләр. Франчайзинг челтәрен булдыру коралларын өйрәнәчәкләр, юридик аспектларны карыйлар, франчбук эшләячәкләр, клиентларны җәлеп итү һәм бизнесны җәелдерү өчен яңа күнекмәләр өйрәнәчәкләр. Программада: гамәлдәге франшизаларның кейсларын анализлау; экскурсияләр һәм оешмаларны бизнес-тикшерүләр; файдалы очрашулар һәм танышулар. 

Укыту Россия Федерациясе Икътисади үсеш министрлыгы тарафыннан аккредитацияләнгән «Фабрика. Франшизалар» программасы буенча алып барылачак. Катнашучылар укулар йомгаклары буенча программаның үзләштерелүен раслый торган өстәмә белем бирү турында документ алачаклар, шулай ук эксперт комиссиясе алдында үз бизнес-проектын тәкъдир итү мөмкинлеге биреләчәк.

Барлык темалар исемлеге һәм теркәлү https://fran-rt.ru/сылтамасы буенча ачык.

Программа «Кече һәм урта эшкуарлык һәм шәхси эшкуарлык инициативасына ярдәм» илкүләм проекты кысаларында гамәлгә ашырыла, аны Татарстан Республикасы Икътисад министрлыгы һәм «Татарстан Республикасы Эшкуарлыкка ярдәм фонды» коммерцияле булмаган МКК нең «Минем бизнес» үзәге оештыра.