Мораторий чорында билгеләнгән тикшерүләргә һәм башка контроль-күзәтчелек чараларына карата шикаять белдерү кагыйдәләре гадиләштерелде
РФ Хөкүмәте 2022 елның 10 мартындагы 336 номерлы карарына мораторий чорында билгеләнгән тикшерүләргә һәм башка контроль-күзәтчелек чараларына шикаять бирү кагыйдәләрен гадиләштерә торган төзәтмәләр кертте. Үзгәрешләр контроль-күзәтчелек чараларын үткәрүгә мораторийны бозуга шикаять җибәрү процедурасын гадиләштерүгә юнәлдерелгән.
Үзгәрешләр РФ Хөкүмәтенең 2022 елның 17 августындагы 1431 карары белән кертелгән һәм, 2022 елның 1 октябреннән үз көченә керә торган шикаятьне имзалаганда көчәйтелгән квалификациясез электрон имзадан файдалану турындагы нормадан тыш, үз көченә кергән инде.
Шикаятьне хәзер дәүләт хезмәтләре порталында махсус сервис аша җибәрергә һәм гади электрон имза белән имзаларга мөмкин булачак. Мондый тәртип гражданнарга һәм шәхси эшкуарларга гына түгел, оешмаларга да кагыла. Элегрәк мондый мөмкинлекне шәхси эшкуар һәм гражданнар өчен генә мөмкин иде, ә юридик затлар көчәйтелгән квалификацияле электрон имза кулланырга тиеш иде.
Торак инспекцияләренә быел прокуратура белән шикаятьләр буенча планнан тыш тикшерүләр үткәрүне килеәтерергә кирәк түгел.
Хокук бозуларны бетерү турындагы күрсәтмәләрнең үтәлешен тикшерү күчмә тикшерү юлы белән генә түгел (үткәрү вакыты 10 көнгә кадәр), инспекция визиты аша да (1 көн дәвамында башкарыла) үткәрелергә мөмкин. Бу контролерлар һәм бизнесның үзара хезмәттәшлеге вакытын кыскартырга мөмкинлек бирәчәк. Контроль (күзәтчелек) чараларын үткәрү нәтиҗәләре буенча күрсәтмәләр бирү контрольлек итүче зат белән үзара бәйләнешсез рөхсәт ителми.
Мораторийларның табигый монополияләр һәм тарифларны дәүләти җайга салу өлкәсендәге вәкаләтләрне төбәкләр тарафыннан үтәүгә дәүләт контроленә кагылмавы язылган.
Шулай ук лицензияләр исәбенең бердәм реестрын һәм контроль (күзәтчелек) чараларның бердәм реестрын формалаштыру һәм алып бару кагыйдәләре дә үзгәртелде. Хәзер рөхсәт итү эшчәнлеге турында бөтен мәгълүмат бер урында булачак.
Исегезгә төшерәбез: кече бизнесны планлы һәм планнан тыш тикшерүләргә мораторий Россиядә 2022 ел азагына кадәр гамәлдә. Ул эшкуарларны артык административ йөкләнешләрдән арындырырга тиеш.