Татарстан теркәлгән үзмәшгульләр саны һәм аларның максималь кереме буенча ил субъектлары арасында беренчеләр рәтендә

Федераль салым хезмәте мәгълүматларына караганда, Россиядә үзмәшгульләр саны 5 миллионга җиткән, Татарстан Республикасында аларның саны 195 меңнән артып китә. Россия буенча көндәлек үсеш – 8,5 мең кеше. 2019 елда эксперимент башланганнан бирле илебез үзмәшгульләре 1,1 трлн сумлык табыш теркәгән һәм 40 млрд сумлык салым түләгән. Бер көндә үзмәшгульләрнең гомуми кереме 2 млрд сумнан артык тәшкил итә.

Россия Федераль салым хезмәте мәгълүматларына караганда, үзмәшгульләрнең уртача яше 35 яшь тәшкил итә. Иң яшенә 14 яшь, ә иң өлкәненә 94 яшь.

Иң күп үзмәшгульләр Мәскәүдә, Мәскәү өлкәсендә, Санкт-Петербургта, Краснодар краенда, Татарстанда, Свердловск, Ростов, Самара, Новосибирск өлкәләрендә һәм Башкортстанда теркәлгән.

Үзмәшгульләр эшчәнлегенең төп юнәлешләре: такси хезмәте күрсәтү, товарлар китерү, фатир арендалау, ремонт һәм маркетинг хезмәтләре, шулай ук үзләре җитештергән продукцияне сату.

Иң югары хезмәт хакы алучы һөнәрләр — IT-белгеч, финансист, юрист, консультант, проектлаучы, төзүче.

Мәскәү, Чукотка автономияле округында, Мәскәү өлкәсендә, Санкт-Петербургта, Татарстан Республикасында, Ямал-Ненец автономияле округында, Калуга, Ленинград, Калининград, Сахалин өлкәләрендә бер үзмәшгуль кешегә максималь керем билгеләнә.

Үзмәшгульләрнең барлык кеременең өчтән бер өлеше барлык партнерларның программалы продуктлары аша «Минем салым» кушымтасыннан башка теркәлә.  Һөнәри керемгә салым яңа «Салым салуның автоматлаштырылган гадиләштерелгән системасы» проекты өчен нигез булып тора, ул 2022 елның 1 июленнән, шул исәптән Татарстан Республикасында да старт ала.