Татарстан эшкуарларын контракт системасында көндәшлекле мохитне бәяләргә чакыралар
РФ Хөкүмәте каршындагы Аналитика үзәге контракт системасында көндәшлекле мохитне өйрәнә.
Сораштыру контракт системасында барып чыкмаган көндәшлек процедураларының (сәүдәнең) югары өлеше сәбәпләрен ачыкларга мөмкинлек бирәчәк.
Сораштыруда юридик затлар һәм шәхси эшкуарлар – сатучылар, тәэминатчылар, подрядчылар, сатып алуларның контракт системасында башкаручылар, шулай ук җайга салынулы сатып алуларда катнашу тәҗрибәсе булмаган бизнес вәкилләре катнаша ала.
Респондентларның җавапларын җыеп, экспертлар әлеге проблеманың ни дәрәҗәдә сатуларда көндәшлекнең түбән булуы, базарга һәм (яки) сатып алуларга керү каршылыклары булу яки контрактларның башлангыч (максималь) бәяләрен дөрес формалаштырмау белән бәйле булуын билгеләячәк.
Эш Россия Федерациясе Хөкүмәте йөкләмәсен үтәү кысаларында алып барыла.
Сораштыруда 4 февральгә кадәр катнашырга мөмкин. Анкета сылтама буенча урнаштырылган