Талантлар университетында Күзәтчелек советы утырышы узды
«2015-2024 елларга Татарстан Республикасында талантлар белән стратегик идарә итү» дәүләт программасын гамәлгә ашыру барышында 2021 елның 22 декабрендә Талантлар университеты күзәтчелек советының чираттагы утырышы узды. Утырыш Татарстан Республикасы Премьер-министрының беренче урынбасары Рөстәм Нигъмәтуллин рәислегендә узды. Утырыш эшендә Татарстан Республикасы икътисад министрының беренче урынбасары – Эшкуарлыкны һәм конкуренцияне үстерү департаменты директоры Рөстәм Сибгатуллин, шулай ук профильле министрлыклар вәкилләре катнашты.
Утырыш барышында Талантлар университеты башкарма директоры Айдар Акмалов доклад белән чыгыш ясады. Ул 2021 елга эш нәтиҗәләре турында сөйләде. Докладта оешма эшчәнлегенең план режимында дәвам иттерелүе турында билгеләп үттеләр: 2021 елда 250 артык кеше «Талантларны продюсерлаштыру идарәсе» курсы модульләрендә белем алган. «Сириус» мәгариф үзәге моделе буенча республика үзәге программаларында 16 364 укучы катнашкан. Шунысын билгеләп үтү мөһим, утырыш барышында гамәлдәге юнәлешләргә тагын икене – фән буенча астрономия һәм спорт буенча волейбол өстәргә дигән тәкъдим хупланды.
Шулай ук Күзәтчелек советы тарафыннан ведомствоара багланышларның юл картасы кабул ителде, ул балалар һәм яшьләрнең интеллектуаль-иҗади потенциалын үстерүдә һәм гамәлгә ашыруда экосистема субъектларының (министрлыклар, ведомстволар, мәгариф оешмалары, компанияләр) гамәлләрен синхронлаштырырга тиеш. Күзәтчелек советы 2022 елга Талантлар университеты эшчәнлегендә төп өстенлекне билгеләде, бу – Татарстан Республикасында сәләтле балаларны һәм яшьләрне ныгыту һәм эшкә урнаштыру мәсьәләләре.
Күзәтчелек советы әгъзалары өчен яңартылган «Сириус» белем бирү үзәге моделе буенча Татарстан Республикасы сәләтле балаларын һәм яшьләрен ачыклау һәм аларга ярдәм итү республика үзәгенең лаборатор корпусы буенча экскурсия үткәрелде.
Талантлар университеты – белем бирү-коммуникация платформасы, ул Татарстан Республикасында компетенцияләр үсешендә, һөнәри үсештә һәм эшкә урнаштыруда сәләтле яшьләргә ярдәм итә.