Икътисад министрлыгы эшкуарларны белем бирү чараларында катнашырга чакыра

«Кече һәм урта эшкуарлык һәм шәхси эшкуарлык инициативасына ярдәм итү» илкүләм проектын гамәлгә ашыру кысаларында Татарстан Республикасы Икътисад министрлыгына караган Татарстан Республикасы Эшкуарлыкка ярдәм фонды даими рәвештә бизнес ихтыяҗларын һәм таләпләрен исәпкә алып формалаштырылган укыту чараларын үткәрә.

Бизнесның тиз һәм тотрыклы үсешенә дәүләт тарафыннан белем бирү һәм мәгълүмати ярдәм күрсәтү дә ярдәм итә, бу максатларда ТР Икътисад министрлыгы төрле өлкәләрдә, бизнес үсешенең барлык этапларында төрле өлкәләрдәге эшкуарлар өчен белем бирү һәм укыту программалары комплексын оештыра һәм үткәрә.

Чараларның актуаль календаре белән ТР Эшкуарлыкка ярдәм фонды сайтында танышырга һәм катнашу өчен гариза җибәрергә мөмкин. Чаралар республиканың төрле шәһәрләрендә офлайн һәм онлайн-форматларда уза һәм эшкуарларга бизнесны яңа дәрәҗәгә чыгару этапларын җентекләп өйрәнергә, иң яхшы практикалар һәм кейслар белән танышырга, партнерлар табарга, заманча шартларга җайлашырга, яңа базарлар үзләштерергә мөмкинлек бирә.

Шулай итеп, катнашу мөмкинлеге булган якындагы чаралар: финанс белемнәре, инвестицияләр һәм инвестиция мәйданчыкларында эшләү буенча мастер-класс, эксперт эшчәнлеге алып бару буенча «Эксперт мәктәбе»ннән комплекслы чаралар.

Алдагы айларга чаралар турында алхәбәрләр шулай ук Фонд сайтында урнаштырылачак: https://fpprt.ru/meropriyatiya/

Белем бирү һәм башка ярдәм чаралары буенча консультацияне (843) 524-90-90 кайнар линия телефоны буенча алырга мөмкин.​