Татарстанда бизнес өчен QR-кодлар кертү мәсьәләләре буенча кайнар линияләр эшли

Татарстан Республикасы Икътисад министрлыгына караган Эшкуарлыкка ярдәм фонды бизнестан Татарстан территориясендә җәмәгатьчелек урыннарында һәм спорт һәм мәдәният оешмаларында булу өчен QR-кодлар кертүгә бәйле мөрәҗәгатьләр һәм сораулар кабул итә. Эшкуарлар түләүсез «кайнар линия» номеры буенча консультация ала алалар: 8(843) 524-90-90.

Шулай ук ТР Икътисад министрлыгы инициативасы буенча республика прокуратурасы белән берлектә оештырылган «Сыналган бизнес» интернет-ресурсы да COVID-19 китереп чыгарган яңа кагыйдәләр һәм чикләүләр белән бәйле барлык мәсьәләләр буенча бизнеска консультация бирә. «Сыналган бизнес» экспертлары контроль-күзәтчелек органнары белән берлектә  8(800)222-37-22 телефоны яки сайттагы махсус форма буенча санитар-эпидемиологик чикләүләр фонында эш тәртибен аңлата.

Исегезгә төшерик, Татарстанда 11 октябрьдән эпидемиологик хәл аркасында өстәмә чикләүләр кертелде. Аерым алганда, рестораннарга гамәлдәге QR-кодларны күрсәтеп кенә кереп була. Бу сәүдә үзәкләренә, аквапаркларга, бассейннарга һәм башка урыннарга да кагыла. 11 октябрьдән, шулай ук, гражданнарның аерым категорияләре өчен COVID-19 каршы мәҗбүри вакцинация дә кертелде.