Индустриаль (сәнәгать) паркs территориясендә эшчәнлек алып бару турында килешү төзүгә гаризалар сайлап алу
Индустриаль (сәнәгать) паркы территориясендә эшчәнлек алып бару турында килешү төзүгә сайлап алуда катнашуга гариза бирүчеләр игътибарына!
Татарстан Республикасы Икътисад министрлыгы хәбәр иткәнчә, 2021 елның 5 июлендә 9.00 сәгатьтә индустриаль (сәнәгать) парк территориясендә эшчәнлек алып бару турында килешү төзүгә гаризалар кабул ителә башлый.
Гаризалар 2021 елның 30 декабрьгә кадәр кабул ителәчәк.
Гаризалар кабул итү урыны: 420107, Татарстан Республикасы, Казан шәһәре, Петербург ур., 28, Татарстан Республикасы Эшкуарлыкка ярдәм фонды, каб. 14.
«Индустриаль (сәнәгать) паркы территориясендә эшчәнлекне гамәлгә ашыру турында килешү төзү тәртибен раслау хакында» Татарстан Республикасы Министрлар Кабинетының 28.06.2001 ел, №507 карары (алга таба – Тәртип).
Мөрәҗәгать итүче түбәндәге критерийларга туры килергә тиеш
гариза тапшыру датасына Татарстан Республикасы территориясендә эшчәнлек алып бара һәм Татарстан Республикасы бюджетына салымнар түли;
гариза бирү датасына Кече һәм урта эшкуарлык субъектларының бердәм реестрына кертелгән кече һәм урта эшкуарлык субъекты булып тора;
үз эшчәнлеген түбәндәге критерийларга туры килә торган индустриаль (сәнәгать) паркы территориясендә гамәлгә ашырырга тиеш:
Татарстан Республикасы муниципаль районы территориясендә урнашкан;
индустриаль (сәнәгать) паркының тулылану мәйданы 70 проценттан артмый һәм индустриаль (сәнәгать) паркының тулылыгын исәпләү методикасы буенча Тәртипнең 1 нче кушымтасы нигезендә исәпләнә.
Татарстан Республикасы Министрлар Кабинетының «Татарстан Республикасы кече һәм урта эшкуарлыгына мөлкәти ярдәм күрсәтү инфраструктурасы субъектларын аккредитацияләү турында» 27.08.2014 № 616 карары нигезендә вәкаләтле орган тарафыннан аккредитацияләнгән.
Гариза бирү тәртибе
Мөрәҗәгать итүче «Татарстан Республикасы Эшкуарлыкка ярдәм фонды» коммерциясез микрокредит компаниясенә түбәндәге документларны үз эченә алган, Тәртип таләпләре нигезендә рәсмиләштерелгән кәгазь гариза бирә:
әлеге Тәртипнең 2 нче кушымтасындагы форма буенча килешү төзү турында гариза, анда шәхси мәгълүматларны эшкәртүгә ризалык була (шәхси эшкуар өчен);
гамәлгә кую документларының күчермәләре – юридик затлар өчен;
шәхесне раслаучы документ күчермәсе (шәхси эшкуарлар өчен);
мөрәҗәгать итүче тарафыннан имзаланган гарантия хаты, анда расланганча:
мөрәҗәгать итүченең салымнар һәм җыемнар турында Россия Федерациясе законнары нигезендә түләнергә тиешле салымнар, җыемнар, иминият кертемнәре, пенялар, штрафлар түләү буенча үтәлмәгән йөкләмәләре юк;
мөрәҗәгать итүче үзгәртеп кору (мөрәҗәгать итүчегә башка юридик затны кушу формасында үзгәртеп корудан тыш), бетерелү процессында тормый, аңа карата банкротлык процедурасы кертелмәгән, аның эшчәнлеге Россия Федерациясе законнарында каралган тәртиптә туктатылмаган, ә мөрәҗәгать итүче – шәхси эшкуарның шәхси эшкуар сыйфатындагы эшчәнлеге туктатылмаган;
мөрәҗәгать итүче чит ил юридик заты, шулай ук устав (җыелма) капиталында Россия Федерациясе Финанс министрлыгы раслый торган салым салуның ташламалы салым режимын бирүче һәм (яки) юридик затларга (оффшор зоналарга) карата финанс операцияләрен уздырганда мәгълүмат ачуны һәм тапшыруны күздә тотмаучы дәүләтләр һәм территорияләр исемлегенә кертелгән дәүләттә яки территориядә теркәлгән чит илләрнең юридик затларының катнашу өлеше җыеп исәпләгәндә 50 проценттан артып китмәгән Россия юридик заты булып тормый;
индустриаль (сәнәгать) паркының күчемсез милек объектларына аренда һәм (яки) сату-алу килешүләренең, идарә итүче компания белән резидентлар, индустриаль (сәнәгать) паркы инфраструктурасыннан файдаланучылар арасында төзелгән сәнәгать-җитештерү эшчәнлеген алып бару турындагы килешүләрнең күчермәләре һәм идарәче компаниягә/резидентларга милек хокукында яки законлы башка нигездә, шул исәптән аренда килешүе нигездә дә, караган индустриаль (сәнәгать) паркы территориясендә урнашкан күчемсез милек объектларының булуын раслый торган башка документлар;
Тәртипнең 1 нче кушымтасында күрсәтелгән методика нигезендә индустриаль (сәнәгать) паркының тулылыгын исәпләү турында мәгълүмат булган документлар.
Идарәче компанияләр вәкаләтле оешмага өстәмә рәвештә түбәндәгеләрне тапшыра:
гариза бирү вакытына эш урыннары булдыру, кертелгән инвестицияләр күләме (булган очракта) кебек ел саен планлаштырыла торган күрсәткечләрне күрсәтеп, гариза бирелгән елга кадәрге узган елдан соңга калмыйча расланган индустриаль (сәнәгать) паркын үстерүнең бизнес-планын;
идарәче компанияләр, резидентлар һәм (яки) арендаторларны урнаштыру өчен билгеләнгән территорияләрне, шулай ук идарәче компания, резидентлар һәм (яки) арендаторлар фактта урнашкан территорияләрне күрсәтеп, индустриаль (сәнәгать) паркын үстерү концепциясен.
Идарәче компания булып тормаган мөрәҗәгать итүчеләр вәкаләтле оешмага өстәмә рәвештә, гариза бирү вакытына эш урыннары булдыру, кертелгән инвестицияләр күләме (булган очракта) буенча ел саен планлаштырыла торган күрсәткечләрне күрсәтеп, гариза биргән елга кадәр узган елдан соңга калмаган срокта расланган индустриаль (сәнәгать) паркы территориясендә проектны гамәлгә ашыру планлаштырылган яки гамәлгә ашырыла торган бизнес-план проектын тапшыра.
Мөрәҗәгать итүче шулай ук вәкаләтле оешмага тиешле тәртиптә расланган түбәндәге документларның күчермәләрен дә тапшырырга хокуклы:
Федераль салым хезмәтенең «Салым түләүче затның (җыем түләүченең, иминият кертемнәрен түләүченең, салым агентының) салымнарны, җыемнарны, иминият кертемнәрен, пеняларны, штрафларны, процентларны түләү йөкләмәләрен үтәве турында белешмә формасын, аны тутыру тәртибен һәм аны электрон формада тапшыру форматын раслау хакында» 2017 елның 20 гыйнварындагы ММВ-7-8/20@ номерлы боерыгы белән расланган форма буенча килешү төзү планлаштырыла торган айга кадәрге айның 20 нче көненә бирелгән, салым түләүче затның (җыем түләүченең, иминият кертемнәрен түләүченең, салым агентының) салымнарны, җыемнарны, иминият кертемнәрен, пеняларны, штрафларны, процентларны түләү йөкләмәләрен үтәве турында салым органы белешмәсен;
Күчемсез мөлкәтнең бердәм дәүләт реестрыннан өземтә, шулай ук күчемсез мөлкәт объекты турында кадастр белешмәсен, әгәр индустриаль (сәнәгать) паркыннан мөрәҗәгать итүче индустриаль (сәнәгать) паркы территориясен тәшкил итүче җир кишәрлекләренең һәм (яки) индустриаль (сәнәгать) паркы территориясендә урнашкан биналарның, төзелмәләрнең һәм (яки) аларның өлешләренең милекчесе булып торса;
гариза бирү датасына бирелгән һәм Россия Федерациясе законнарында билгеләнгән тәртиптә таныкланган Юридик затларның (Шәхси эшкуарларның) бердәм дәүләт реестрыннан өземтә;
гариза бирү датасына бирелгән һәм Россия Федерациясе законнарында билгеләнгән тәртиптә таныкланган Кече һәм урта эшкуарлык субъектларының бердәм реестрыннан өземтә.
Мөрәҗәгать итүче әлеге пунктта күрсәтелгән документларны тапшырмаган очракта, вәкаләтле оешма әлеге мәгълүматларны «Интернет» мәгълүмат-телекоммуникация челтәре аша һәм (яки) ведомствоара мәгълүмати хезмәттәшлек тәртибендә ала.
Гариза биргәндә тапшырыла торган барлык документлар барлык пунктлар буенча да төгәл бастырылган һәм тутырылган булырга тиеш (мәгълүматлар булмаган очракта сызык куела). Мөһер (булган очракта) белән беркетелгән һәм мөрәҗәгать итүченең җитәкчесенең яки ул вәкаләт биргән затның имзасы белән таныкланган төзәтүләрдән тыш, чистарту һәм төзәтүләр кертү рөхсәт ителми.
Гаризаның барлык кәгазьләре дә номерлы булырга тиеш. Гариза тегелгән һәм мөрәҗәгать итүченең җитәкчесенең яки ул вәкаләт биргән затның имзасы һәм гаризаның икенче ягында кәгазьләрнең гомуми санын күрсәтеп, мөрәҗәгать итүченең мөһере (булган очракта) белән таныкланган булырга тиеш.
Чит телдәге документларны мөрәҗәгать итүче аларның Россия Федерациясе законнарында билгеләнгән тәртиптә таныкланган рус теленә тәрҗемәсе белән бергә тапшыра.
Гаризаларны карау кагыйдәләре
Гариза алынган көнендә, килгән датасын һәм вакытын күрсәтеп, вәкаләтле оешма тарафыннан гаризаларны кабул итү реестрында теркәлә. Гаризага аларны теркәгәннән соң үзгәрешләр кертү рөхсәт ителми.
Гаризаны теркәгән көннән соң эш көннәрендә исәпләнә торган 13 көнлек срокта вәкаләтле оешма мөрәҗәгать итүчене һәм ул тапшырган документларны Тәртипнең 2.1, 3.1, 3.3, 3.4 пунктларында билгеләнгән критерияләргә туры килүенә тикшерә һәм гаризаның әлеге Тәртип таләпләренә туры килүе яки туры килмәве турында мәгълүмат формалаштыра.
Вәкаләтле оешма, әлеге пунктның беренче абзацында күрсәтелгән срок тәмамланганнан соң өченче эш көненнән дә соңга калмыйча, гаризаның әлеге Тәртип таләпләренә туры килүе яки туры килмәве турында формалаштырылган мәгълүматны вәкаләтле органга җибәрә.
Вәкаләтле орган, вәкаләтле оешмадан гаризалар алынган көннән алып биш эш көненнән дә соңга калмыйча, Килешү төзү яки Килешү төзүдән баш тарту турында карар кабул итә.
Килешү төзүдән баш тарту өчен түбәндәгеләр нигез булып тора:
мөрәҗәгать итүче тапшырган документларның әлеге Тәртиптә билгеләнгән таләпләргә туры килмәве, Тәртипнең 3.1, 3.4 пунктларында күрсәтелгән документларның тапшырылмавы (тулы күләмендә тапшырылмавы);
мөрәҗәгать итүче биргән мәгълүматның дөрес булмау фактының билгеләнүе.
Килешү төзүдән баш тартылган мөрәҗәгать итүче вәкаләтле оешмага яңа гариза белән мөрәҗәгать итәргә хокуклы.
Вәкаләтле орган, Килешү төзү яки Килешү төзүдән баш тарту турында карар кабул ителгән көннән соң киләсе көннән дә соңга калмыйча, әлеге карарларны һәм гаризаларны вәкаләтле оешмага тапшыра.
Вәкаләтле оешма, вәкаләтле орган тарафыннан Килешү төзү яки Килешү төзүдән баш тарту турында карар кабул ителгән көннән соңгы өченче эш көненнән дә соңга калмыйча, мөрәҗәгать итүчегә Килешү төзү яки Килешү төзүдән баш тарту турында гаризада күрсәтелгән электрон почта аша белдерү җибәрә.
Гаризаларны кабул итү реестры буенча датасы һәм вакыты буенча гаризаны беренче булып тапшырган мөрәҗәгать итүчедән башлап, тәртип буенча, әлеге Тәртип таләпләренә туры килә торган мөрәҗәгать итүче белән вәкаләтле орган тарафыннан Килешү төзелә.
Үзенә карата вәкаләтле орган тарафыннан Килешү төзү турында карар кабул ителгән мөрәҗәгать итүче Килешү төзү көненә вәкаләтле органга Килешү төзү көненә исәпләнгән индустриаль (сәнәгать) паркының тулылыгын исәпләү күрсәткечен тапшырырга бурычлы.
Үзенә карата вәкаләтле орган тарафыннан Килешү төзү турында карар кабул ителгән мөрәҗәгать итүче мондый Килешүне төзүдән баш тарта ала. Моның өчен мөрәҗәгать итүче белдерү алынган көннән башлап өч көн эчендә вәкаләтле оешмага Килешү төзүдән язма рәвештә баш тартуы турында җиткерә.
Мөрәҗәгать итүче Килешүне имзаларга тиешле срок
Килешү вәкаләтле орган тарафыннан вәкаләтле орган раслаган форма буенча Килешү төзү турында карар кабул ителгәннән соң 7 эш көне эчендә төзелә.
Мөрәҗәгать итүчене Килешү төзүдән читләшкән зат сыйфатында тану шартлары
Әгәр мөрәҗәгать итүче вәкаләтле орган тарафыннан Килешү төзү турында карар кабул ителгән көннән башлап 7 көнлек срокта Килешүне имзаламаса, ул Килешүне имзалаудан читләшкән зат буларак санала.