Татарстан Республикасы Актаныш муниципаль районы фермеры терлекчелекне үстерүгә 3 млн. сум акча алачак
Акча «Авылда эшмәкәрлек» программасы кысаларында бүленәчәк. Татарстан Республикасы Икътисад министрлыгына караган Гарантия фонды әкаваплылыкны уз өстенә алды.
Татарстанның Гарантия фонды Актаныш районы фермерыннан кредит буенча әкаваплылыкчылык бирүгә гаризаны канәгатьләндерде. Фликс Әхмәтовның крестьян-фермер хуҗалыгы үсемлекчелек һәм терлекчелек белән шөгыльләнә. Оешма продукциясен, ул да булса ит һәм сөтне – гадәттә республиканың эшкәртү заводлары сатып ала, бер өлеше авыл хуҗалыгы ярминкәләрендә сатыла.
3 млн. сум күләмендәге дәүләт ярдәме акчалары сөт токымлы сыерларның баш санын арттыруга тотылачак: моның өчен 100гә кадәр терлек сатып алу планлаштырыла.
«Авыл хуҗалыгы өлкәсендә эшмәкәрлек бүген зур экспорт потенциалына ия. Безнең республикабыз терлекчелекне үстерү өчен тарихи яктан яхшы перспективаларга ия, регион шулай ук һәрвакыт үсемлекчелек продукциясен, ягъни бодай, ярма, он белән тәэмин итүче буларак билгеле иде. Татарстанда һәрвакыт эре авыл хуҗалыгы җитештерүчеләре һәм эшкәртү оешмалары тупланган. Икътисад министрлыгы кураторлык иткән "Авылда эшмәкәрлек" программасы уңай динамиканы күрсәтә: фермерлар хуҗалыклар мәйданнарын киңәйтә, авыл хуҗалыгы техникасын яңарта, бизнесны киңәйтә. Авыл хуҗалыгы товар җитештерүчеләренә дәүләт ярдәме чаралары табигый икътисадны ныгыту өчен мөһим – безнең республика мөстәкыйль рәвештә халык өчен, шулай ук кече һәм урта бизнесны һәм Россия Федерациясенең башка төбәкләре белән сәүдә мөнәсәбәтләрен үстерү өчен мөмкин кадәр күбрәк азык-төлек җитештерә ала һәм җитештерергә тиеш», - дип билгеләп үтте Татарстан Республикасының икътисад министры Фәрит Габделганиев.
Кредит акчаларын Татарстан Республикасы Эшкуарлыкка ярдәм итү Фонды Татарстан Республикасы ведомство буйсынуындагы Гарантия фонды әкаваплылыкчылыгы астында бирәчәк, аның нигезендә 2018 елның маенда "Авылда эшкуарлык" ташламалы программасы гамәлгә кертелгән иде. Программа авыл хуҗалыгы продукциясе җитештерүчеләр тарафыннан 5 млн.сумга кадәр (займның 70% ка кадәр) әкаваплылыкчылыклар алу күздә тотыла. Исегезгә төшерәбез, 2019 елның 9 аенда Татарстан Гарантия фонды әлеге программа кысаларында республиканың төрле районнарыннан килгән эшмәкәрләргә 63,5 млн сумнан артык күләмдә 26 әкаваплылыкчылык бирде.