Лом әзерләүчеләргә металл кабул итү өчен акчасыз исәп-хисап ясауга күчәргә тәкъдим итәләр
Татарстан Республикасы Икътисад министрлыгында «Татарстан Республикасының иң яхшы дәүләт граждан хезмәткәре» республика конкурсына йомгак ясалды. Анда лом әзерләүчеләр, министрлык һәм Wallet One вәкилләре катнашты.
Очрашу лом җыю тармагын җайга салуга яңалыклар кертү алдыннан узды. Бер физик зат белән календарь ай дәвамында 50 мең сумнан да артмаган күләмдә акча белән исәп-хисап ясау лимитын билгеләүне күздә тотучы «Җитештерү һәм куллану калдыклары турында «Федераль канунга үзгәрешләр кертү хакында» канун проекты әлегә беренче укылышта карау стадиясендә.
Татарстан ломы әзерләүчеләренә металл ватыкларын кабул иткән өчен клиентларның-физик затларның банк карталарына Wallet One түләү системасы ярдәмендә акча күчерергә мөмкинлек бирә торган программа продуктын тәкъдим иттеләр.
Wallet One - дөньяда 12 миллионнан артык кулланучысы булган электрон түләү сервисы. 40 мең интернет-кибет һәм сәүдә мәйданчыклары шулай ук әлеге сервистан файдалана.
«Киләчәк кәгазь акчасыз түләүләр артында. Безнең илгә ритейлда гына түгел, башка тармакларда да барлык транзакция төрләре буенча акчасыз исәп-хисапка күчү зарури. Беренчедән, акчасыз түләү акча агымын үтә күренмәле итә һәм күләгәдәге икътисад өлешен киметә. Икенчедән, акчасыз түләүләр исәпнең төгәллеген арттыра, системаның төрле дәрәҗәләрендә хаталар мөмкинлеген киметә. Өченчедән, акчасыз икътисад күпкә нәтиҗәлерәк», - дип билгеләп үтте Татарстанның икътисад министры Фәрит Габделганиев.