Татарстанда илкүләм проектларны гамәлгә ашыру үсешнең 12 төп юнәлеше буенча шактый тырышлык һәм финанс чаралары таләп итәчәк

Татарстанда илкүләм проектларны гамәлгә ашыру үсешнең 12 төп юнәлеше буенча шактый тырышлык һәм финанс чаралары таләп итәчәк. Шуңа да карамастан, республика хакимияте төп күрсәткечләргә ирешү өчен кулдан килгәннең барысын да эшләячәк.

Бу хакта Татарстан Президенты Рөстәм Миңнеханов республика җитәкчеләре белән очрашуда хәбәр итте. Татарстанда илкүләм проектларны гамәлгә ашыру турындагы сорауга җавап биреп, республика җитәкчесе республиканың нинди дә булса позицияләр буенча әзерлеге югары булуын, нинди дә булса эшләргә кирәклеген билгеләп үтте.

«Татарстан өчен исәп-хисап саннары бар, алар киеренке, әмма без алар буенча эшлибез. Һәр төбәкнең үз саны, үз күрсәткечләре бар. Кемнеңдер параметрлары үтәлмәгәндер, мөгаен, әмма бу бәла түгел. Тулаем алганда, без ил өчен бик күп эшләр башкарачакбыз», – диде Рөстәм Миңнеханов.

«Татарстанга килгәндә, әлегә кадәр республикабыз сынатмады. Ил җитәкчелеге, Президентыбыз алдында кызармаслык итеп эшләячәкбез», - дип өстәде ул.

Рөстәм Миңнеханов илкүләм проектлар 12 юнәлеш буенча гамәлгә ашырылуын искәртте, аларның һәркайсы блокларга бүленгән. «Әйтик, сәламәтлек саклау – Анда безнең линия буенча гына да, минемчә, 7 блок. Бу-иң мөһим проблемаларны хәл итү, моңа кадәр без аларга кагылырга курыктык. Шуңа күрә бу барлык илкүләм проектлар да матур һәм дөрес итеп республикада гамәлгә ашырыла торган проектларга туры килде», - дип аңлатты Президенты.

ММЧ җитәкчеләре белән әңгәмә вакытында Рөстәм Миңнеханов Татарстанда илкүләм проектларны гамәлгә ашыру өчен шәхсән җавап бирүче затларны атады. «Иң мөһиме – ул мин. әлегә республика җитәкчесе булып эшлим, барысы өчен дә җавап бирәм мин. юнәлешләр буенча – Сәламәтлек саклау, социаль өлкә, агросәнәгать комплексы – бездә вице-премьерлар, алар барысы да җаваплы. Һәм, әлбәттә инде, штаб начальнигы – Премьер-министр», – дип санап китте республика җитәкчесе.