Авыл эшкуарлары кредитлар буенча 19 миллионнан артык поручительлек алды
Татарстан Республикасы Икътисад министрлыгы карамагындагы Гарантия фонды авыл эшкуарларына 19,4 млн сумлык поручительлек бирде.
2019 ел башыннан "Авылда эшкуарлык" махсус ташламалы программасы ярдәмендә авыл эшкуарлары 50,3 млн. сумга кредитлар җәлеп итә алды.
Ярдәм кысаларында бүлеп бирелгән акчалар инвестицияләргә һәм әйләнештәге акчаларны тулыландыруга тотылырга мөмкин.
"Авыл хуҗалыгы, гадәттәгечә, Татарстанның икътисади үсешендә төп драйверларның берсе булып тора. Стратегия-2030 да авылда эшкуарлыкны үстерүгә аерым игътибар бирелә. Авыл эшкуарлары өчен бер ел элек башланып киткән финанс ярдәме программасы үзенең кирәклеген һәм аңа ихтыяҗ булуын исбатлады һәм, бәлки, быел авыл хуҗалыгына ныклы ярдәм кирәклекне исәпкә алып, алга таба да киңәйтелер", - дип билгеләп үтте икътисад министры Фәрит Габделганиев.
Бүген Татарстанда авыл эшкуарларына берничә төрле финанс ярдәме алырга мөмкин. Поручительлекләрдән тыш, аларга грант ярдәме, шулай ук авыл хуҗалыгы продукциясен сатып алу чыгымнарын каплауга субсидияләр дә бирелә.
Фондның поручительлеге махсус шартларда минималь комиссия түли торган йөкләмәләр суммасының 70% - еллык 0,5% күләмендә бирелә.
Шунысын билгеләп үтәргә кирәк, дәүләт ярдәменә авыл җирендә эшләүче барлык кече һәм урта бизнес субъектлары исәп тота ала.