Оешмаларның күчмә мөлкәте 2019 елдан башлап салымнан азат ителә
Россия Президенты 2018 елның 03 августындагы 302-ФЗ номерлы Федераль законга кул куйды, аның нигезендә 2019 елдан башлап оешмаларның барлык күчмә мөлкәте милеккә салым салыну йөкләмәсеннән азат ителә.
Закон нигезендә 2019 елдан башлап әлеге салым буенча салым базасы оешманың һәм һәр күчемсез мөлкәт объектына һәм Газ белән тәэмин итүнең бердәм системасына керә торган мөлкәткә карата аерым билгеләнәчәк. Бу вакытта салым түләүчеләр һәр хисап һәм салым чоры тәмамлану белән күчемсез мөлкәт объектлары урнашкан урын буенча һәм (яки) Газ белән тәэмин итүнең бердәм системасы составына керә торган мөлкәт урнашкан урын буенча салым органнарына аванс түләүләре буенча салым исәпләмәләрен һәм салым декларациясен тапшырырга тиеш булачак.
Оешмаларга салым басымын киметү буенча атап үтелгән чаралар 2019 елга һәм 2020 һәм 2021 елларның план чорына Дәүләт Думасында каралган Салым сәясәтенең төп юнәлешләрендә планлаштырылган. Аларның максаты үзебезнең илдәге сәнәгать технологияләрен тизләтелгән рәвештә кертү һәм үстерү, шулай ук оешмаларның төп фондларының актив өлешен (машиналар, җайланмалар) яңарту өчен стимуллар тудырудан гыйбарәт.