Мидхәт Шаһиәхмәтов Татарстанның Кече һәм урта бизнес предприятиеләре Ассоциациясен 20 еллыгы белән котлады
Бүген Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов Кече һәм урта эшмәкәрлек Ассоциациясенең 20 еллыгына багышланган тантаналы җыелышта булды. Чара барышында вице-премьер Татарстан Республикасы Кече һәм урта бизнес предприятиеләре ассоциациясе әгъзаларының товарлар һәм хезмәтләр күрсәтү күргәзмәсен карады, шулай ук республиканың социаль-икътисади үсешенә керткән өлеше өчен кече һәм урта бизнес ассоциациясе әгъзаларына Рәхмәт хатлары тапшырды.
«20 еллык юбилей республика кече һәм урта предприятиеләренең бизнес-берләшмәсенә ихтыяҗ һәм нәтиҗәлелек турында сөйли. Ассоциация көчле идарәчеләрне һәм нәтиҗәле эшләүче менеджерларны, мөстәкыйль һәм тәвәккәл кешеләрне берләштерде, алар инновацион идеяләр чыганагы һәм дәүләт белән бизнес арасында ышанычлы җитәкче. Без Ассоциациягә ярдәм кораллары һәм программаларын формалаштырганда мөрәҗәгать итәбез, үзгәрә торган икътисади шартларда җавап та алабыз. Ассоциация дәүләт ярдәме инструментларының ихтыяҗы һәм һәркем файдаланырлык булуы, эшкуарлар хокукларын бозу, бизнесны үстерү һәм хезмәтләр алу өчен каршылыклар турында мәгълүмат чыганагы булып тора. Уртак хезмәт һәм нәтиҗәле эш һәм Ассоциациядә катнашучыларның югары профессиональлеге өчен чын күңелдән рәхмәтемне белдерәм», – диде Мидхәт Шаһиәхмәтов.
Нәтиҗәле хезмәт һәм Татарстан Республикасы кече һәм урта эшкуарлык үсешенә зур өлеш керткән өчен Вице-премьерның рәхмәт хатлары белән
- «Вэлд Плюс сәүдә компаниясе» ҖЧҖ директоры Павел Борисов;
- «Палладий АФ» ҖЧҖнең идарәче партнеры Альбина Гобәйдуллина;
- «ТЭК-НефтеСервис» ҖЧҖ директоры Артем Дмитриев бүләкләнде.