Татарстан экспортерлары продукцияне тышкы базарларга чыгаруга финанс ярдәме алачаклар

Татарстан Республикасы Икътисад министрлыгы төбәк экспортерларының продукцияне тышкы базарларга илтүгә киткән чыгымнарын финанслаша. Мондый ярдәм Татарстанның экспорт юнәлешле эшкуарларына сату географиясен үстерергә һәм яңа базарларга чыгарга ярдәм итәчәк.

ТР Икътисад министрлыгы карамагындагы Эшкуарлыкка ярдәм итү фондының Экспортка ярдәм итү үзәге чит ил базарларына продукцияне транспорт белән ташу чыгымнарын финанслашуга гаризалар кабул итә башлый. Фонд Россия Федерациясе чикләренә кадәр продукция ташуны оештыру һәм башкаруга киткән чыгымнарны 80 % ка кадәр финанслаша. Шул ук вакытта финанслашуның иң чик күләме бер предприятиегә 500 мең сумнан артмаячак.

Ярдәмне Татарстан Республикасы территориясендә теркәлгән кече һәм урта эшкуарлык субъектлары ала ала. Финанслашу инде төзелгән экспорт контракты кысаларында йөк ташу өчен бирелә һәм продукцияне транспорт белән ташуны, төяү-бушату эшләрен, бер транспорттан икенчесенә күчереп төяүне, сортларга аеруны, бергә туплауны, эреләндерү, маркировкалау, паллетлау һәм продукцияне яңадан төрүне оештыру һәм тормышка ашыруда ярдәм итүне үз эченә ала.

Чара экспортерның клиент юлында барлык этапларында төбәк эшкуарларының чыгымнарын киметүгә һәм Татарстанның экспорт потенциалын арттыруга, тышкы сәүдәдә Россия продукциясенең өлешен арттыруга ярдәм итүгә юнәлдерелгән.

Финанслашу алу өчен гаризаны РФ.КУЭның Цифрлы платформасында бирергә («Төбәк ярдәм чаралары» бүлегенең «Сервислар» салынма битендә табарга, «Татарстан Республикасы» фильтрында сайларга, алга таба «Продукцияне транспорт белән ташуны финанслашу» хезмәтләре исемлегеннән сайларга) мөмкин.

Сораулар туганда, +7 (843) 222-90-60 (өстәмә 272 яки 279) яки +7 (987) 270-06-91 телефоннарына шалтыратып мөрәҗәгать итәргә мөмкин.

Экспортерлар өчен башка ярдәм чаралары һәм хезмәтләр турында «Минем бизнес» үзәгенә +7 (843) 524-90-90 телефонына шалтыратып белергә була.