Авыл укучылары «АгроНТИ-2022» Бөтенроссия бәйгесендә катнаша ала

Татарстан Республикасы Икътисад министрлыгы ярдәме белән 2022 елның 15 – 17 сентябрендә Татарстан Республикасында Казан дәүләт аграр университеты мәйданчыгында авыл гомуми белем бирү учреждениеләре укучылары арасында «АгроНТИ-2022» Бөтенроссия бәйгесенең финал этабы үткәрелә. Бәйгенең финал этабында Россиянең алты төбәгеннән 227 укучы, Татарстан Республикасыннан 35 укучы (Татарстан Республикасы, Башкортостан Республикасы, Пермь крае, Самара өлкәсе, Саратов өлкәсе, Ставрополь крае) катнаша.

Конкурсның максаты: авыл җирендә урнашкан белем бирү оешмаларында укучыларны Милли технологик инициативаның технологик өстенлекләре өстендә эшләүгә җәлеп итү.

«АгроНТИ-2022» бәйгесенең финал этабы 6 юнәлеш буенча уздырыла:

•Агрокоптерлар – билгеләнгән пилотсыз очкыч системалары, автомат идарә итү системалары;

•Агророботлар– авыл хуҗалыгы техникасы белән электрон автоматлаштырылган идарә итү системалары;

•Агрокосмос – стратегик карарлар кабул итүне автоматлаштыру өчен геостационар орбитадан мәгълүмат эшкәртү;

•Агрометео– һава торышын фаразлау, һава торышы архивын булдыру, аналитика;

•Агробио – авыл хуҗалыгы культураларын авырулардан һәм корткычлардан биологик саклау ысуллары;

* Добропчел– традицион умартачылыкта цифрлы технологияләр куллану.