Татарстан эшкуарлары Кытайның экспорт базары мөмкинлекләрен өйрәнәчәк

21 сентябрьдә Казанда яңа эш башлаучы һәм эшләп килүче экспортерлар өчен «Кытай: экспорт проблемалары һәм мөмкинлекләре» темасына түгәрәк өстәл узачак. Катнашучылар Кытай базарында төп реклама инструментларын караячаклар һәм экспортерларга ярдәм итү чаралары турында беләчәкләр.

Түгәрәк өстәл Кытайга – дөньядагы иң эре экспорт базарына, аның мөмкинлекләренә, товарларны һәм хезмәтләрне сату һәм пропагандалау проблемаларына, үзенчәлекләренә, илдә ышанычлы партнерлар эзләүгә багышланган. Чара кунаклары экспертлар белән бергә Азия иле белән эшләү потенциалы турында фикер алышачаклар, хезмәттәшлек һәм партнерлык тәҗрибәсе белән уртаклашалар.

Вебинар спикерлары: Михаил Медведев«Чайна Эксперт Интернешнл» ҖЧҖ компаниясенә нигез салучы, Кытай белгече һәм икътисадчы һәм Михаил Мартынов, «ПАЛ» компаниясе дәүләт органнары белән элемтә буенча юнәлеш җитәкчесе, Россиядә һәм БДБ илләрендә «Alibaba.com» сервис партнеры, ул шулай ук «Алибаба» маркетплейсында Россия товарларын урнаштыруның актуаль мөмкинлекләре турында сөйләячәк. 

Чарада Кытай белән уңышлы хезмәттәшлек итүче эшкуарларның кейсларын тикшерәчәкләр. Үзара хезмәттәшлек һәм Азия базарына керү тәҗрибәсе һәм юллары белән Максим Бондарь, «EMD Market» компаниясе вәкиле һәм Чжан Цзюньчанг«Один пояс и один путь» ефәк юлы сәүдә-инвестиция үзәге» ҖЧҖ компаниясе генераль директоры уртаклашачак.

Модератор: Эмиль Шенфельд, «Россия экспорт үзәге» АҖ Экспорт мәктәбе тренеры.

Сылтама буенча теркәлергә мөмкин.

Чара Татарстан Республикасы Икътисад министрлыгы һәм «Татарстан Республикасы Эшкуарлыкка ярдәм итү фонды» МКК КБО экспортка ярдәм итү үзәге ярдәме белән гамәлгә ашырыла.

Барлык сораулар буенча элемтә өчен телефон: 8 (904) 670-62-81 Виктория Шумейко, программа кураторы.

Экспортерлар өчен башка чаралар һәм ярдәм чаралары турында консультацияне ТР Эшкуарлыкка ярдәм фондының «Минем бизнес» үзәге телефонына 8 (843) 524-90-90 шалтыратып алырга мөмкин.